E fundit!

08:16 Ekonomi

Izolimi rajonal, 22% e qytetarëve të Ballkanit nuk udhëtojnë fare te fqinjët

Pavarësisht përpjekjeve shumëvjeçare për bashkëpunim rajon...

Lulzim Basha katandis PD-në e Vlorës me “rojen” dhe “Babalen”

11 Tetor 2018, 09:37, Aktualitet CNA

Partia Demokratike është futur në procesin e saj të riorganizimit dhe të zgjedhje dhe në struktura. Një proces, i cili duket të ketë edhe problemet e tij të para. Në Kukës është kundërshtuar nga ish-kryetari i saj Ibsen Elezi, në Dibër ish-kryetarja e Forumit të Gruas, Irini Shehu ka bërë një reagim të fortë dhe më pas ajo është shkarkuar nga Albana Vokshi.

Pra, ka filluar të ketë më shumë “prerje kokash”, sesa një riorganizim të vërtetë në PD.

Por, një nga degët që duket të jetë më problematike dhe një nga barometrat politik të vendit, siç është Vlora, është një nga ato vende ku Lulzim Basha u akuzua se kishte shitur mandatet e deputetëve dhe tani Vlorën e ka hedhur tutje. Vlorën e ka katandisur në duart e një sekretari periferik, por edhe pas çështje së “Babales” duket se do ta ketë mjaft të vështirë riorganizimin e kësaj dege.

Në Vlorë e njohin mjaft mirë ?Babalen? dhe e dinë se kush është ai dhe skenaret që bën PD-ja, më shumë sesa në opinionin publik, kostot dhe pasojat do t’i derdhen dhe do t’i shkarkohen tek elektorati. Tek zgjedhësit e Vlorës.

Por, nëse do të kthehemi pas në kohë, në Vlorë të deleguar Sali Berisha gjithmonë çonte numrat dy ose tre të PD-së. Nënkryetarët ose sekretarët e përgjithshëm, të cilët drejtonin organizimin e kësaj dege.

Astrit Patozi, Bamir Topi kanë qënë të deleguar në Vlorë, Ritvan Bode ka qënë i deleguar në Vlorë, ish-nënkryetarja e PD-së, Jozefina Topalli ka qënë e deleguar në Vlorë.

Pra, elitën e partisë së tij, bashkëpunëtorët e tij më të ngushtë, Sali Berisha i çonte për organizimin e degës së Vlorës, pasi e vlerësonte së tepërmi atë degë.

Sot, në vitin 2018 që PD-ja do të riorganizohet, duket se Lulzim Basha në Vlorë ka dërguar një nga rojet e tij, ka dërguar Sekretarin për Burimet Njerëzore, Fatbardh Kadillin. Një njeri pa peshë politike. Aq i rëndësishëm ishte sa Lulzim Basha nuk e vuri as deputet.

Ajo që po ndodh në Vlorë është katastrofike. Është një degë thuajse totalisht e shpartalluar. Strukturat nuk funksionojnë më, gjithçka është shpërndarë. Një degë e futur në përçarje, e ndarë në tre apo katër klane dhe totalisht e pa vlerësuar nga Lulzim Basha, ndërkohë që socialistët atje kanë vetë Edi Ramën dhe Damian Gjiknurin.

Kur kryeministri dhe një nga ministrat kryesorë janë pjesë e degës së Vlorës, janë ata që drejtojnë socialistët e Vlorës, PD-ja çon “rojen” e saj dhe i servir edhe ?Babalen?. Mesa duket Lulzim Basha, Vlorën e ka katandisur tek “roja” dhe tek ?Babalja?, dhe rezultatet janë se çfarë mbjell do të korrësh.

Me “roje” dhe me ?Babale? tashmë do të presim vetëm të hapen kutitë se asgjë tjetër nuk kemi çfarë të themi./ CNA.al