web counter
LEXO PA REKLAMA!

SHKARKO APP

App Store
Google Play

E fundit!

x

Komisionet parlamentare hetimore që nuk hetojnë asgjë

24 Maj 2018, 17:18, Aktualitet CNA

Komisionet hetimore parlamentare nuk kanë prodhuar asnjë rezultat deri më tani. Kuvendi ka formuar apo është në procedurën e themelimit të shumë komisioneve, përfshirë atij për hetimet rreth dëbimit të gjashtë shtetasve turq nga Kosova, pastaj Komisioni hetimor për ish-Shërbimin Informativ të Kosovës i njohur si SHIK, ai për demarkacionin, Komisioni hetimor për shpenzimet buxhetor rreth lobimit dhe Komisioni hetimor lidhur me dialogun politik ndërmjet Kosovës dhe Serbisë.

Të gjitha këto komisione kanë mbetur si nisma apo edhe në rastet kur është aprovuar themelimi, siç është Komisioni për hetimet rreth dëbimit të shtetasve turq, nuk është arritur edhe funksionalizimi i tij.

Deputetët e partive politike në pushtet, akuzojnë ata të opozitës se po lansojnë ide për komisione hetimore, vetëm për nevoja të politikës ditore. Kurse, ata të partive opozitare thonë se komisionet po pengohen, qoftë të formohen apo të funksionalizohen me qëllim nga partitë e koalicionit.

Sala Berisha-Shala, deputete nga Partia Demokratike e Kosovës, tha për radion ?Evropa e Lirë? se është e pasinqertë nga ana e deputetëve të shpenzohet energji për ide e propozime për komisione hetimore derisa vetë ata nuk i kryejnë punët e tyre, të parapara edhe me rregulloren e punës.

Deputetja Shala tha, po ashtu, se në Kuvendin e Kosovës ka shumë komisione, të cilat po të punonin siç duhet, nuk do të kishte nevojë as për këto propozime e ide që nuk realizohen kurrë deri në fund.

Kurse, deputeti Armend Zemaj nga Lidhja Demokratike e Kosovës tha për Radion Evropa e Lirë, se shumica e komisioneve hetimore që janë propozuar nga deputetët, po pengohen nga partitë politike në pushtet. /Rel/





Lajmet e fundit nga