Hetim apo flirtim?/Agron Xhafaj “zgjon” Donika Prelën

24 Maj 2018, 13:37, Aktualitet CNA

Prokuroria e Krimeve të Rënda zyrtarisht ka njoftuar se ka nisur hetimet në lidhje me skandalin ?Xhafaj?.

Se a do të jenë hetime sa për të thënë para opinionit publik se askush nuk po amnistohet nga drejtësia, apo do të jenë vërtet hetime serioze, kjo mbetet për t?u parë.

Nëse dëgjojmë deklaratat e kryeministrit Edi Rama, ka pak shpresa për të besuar se hetimet do të finalizohen me sukses dhe vërtet do të dalin bosh hetimet, ashtu siç thotë kryeministri.

Kur ka më shumë se dy javë që skandali ?Xhafaj? po lakohet në media, sot është kujtuar Donika Prela e Krimeve të Rënda që të lajmërojë zyrtarisht se po hetohet Agron Xhafaj.

Ndërkaq situata është e tillë.

Partia Demokratike ka prej më shumë se dy javë që ka publikuar prova dhe fakte, sipas të cilëve vërtetojnë inkriminimin e Agron Xhafajt dhe mbrojtjen e tij, nga vëllai-Ministër i Brendshëm Fatmir Xhafaj.

Partia Socialiste dhe Edi Rama i hedhin poshtë faktet dhe provat e publikuar anga PD.

Madje Rama, në rolin e avokatit të vëllezërve Xhafaj këmbëngul, se gjithçka e publikuar nga PD, është trillim dhe se këtë do ta vërtetojë edhe Prokuroria.

Por, PD thotë, se prokuroria mund ta bëjë një gjë të tillë, duke ditur se Donika Prela është emëruar nga mikesha e saj Arta Marku me urdhër të Fatmir Xhafajt dhe Edi Ramës.

Ndaj pyetja është: Do të kemi hetim apo flirtim të Donika Prelajt dhe Agron Xhafajt?

Sot Prokuroria e Krimeve të Rënda, ka dhënë detaje rreth hetimeve për audio-përgjimin e publikuar nga PD-ja.

Më tej organi i akuzës ka njoftuar se ka dërguar për ekspertim materialin e audio-përgjimit në laboratorë ndërkombëtarë jashtë vendit.

Hetimet po kryen nga një grup hetimor i përbërë nga dy prokurorë dhe dy oficerë të policisë gjyqësore të Prokurorisë së Krimeve të Rënda, Tiranë. Janë duke u kryer veprime hetimore të gjithanshme brenda dhe jashtë vendit.

Gjithashtu se ka filluar dhe kryerja e verifikimeve pasurore për shtetasin Geron Xhafaj, i ditëlindjes 08.06.1975, me kombësi dhe shtetësi shqiptare, lindur dhe banues në Vlorë.

Njoftimi i Prokurorisë:
Prokuroria pranë Gjykatës së Shkallës së Parë për Krime të Rënda, njofton se më datë 17.05.2018 ka regjistruar procedimin penal Nr. 95/v.2018 për veprën penale të ?Trafikimit të narkotikëve? parashikuar nga neni 283/a i Kodit Penal.

Më datë 18.05.2018 me këtë procedim është bashkuar dhe procedimi penal Nr. 3853 i Prokurorisë Pranë Gjykatës së Shkallës së Parë Tiranë i regjistruar për veprën penale të ?Kallëzimit të rremë?, parashikuar nga neni 305 i Kodit Penal.

Hetimet në këtë procedim penal lidhen me të dhënat e bëra publike më datë 14.05.2018 në një konferencë për shtyp të organizuar në selinë e Partisë Demokratike të Republikës së Shqipërisë ku është publikuar një material video.

Nga biseda e bërë publike midis dy personave, njëri i cilësuar si ?Bashkëpunëtori X? dhe një personi tjetër i supozuar si shtetasi Agron Xhafaj (vëllai i Ministrit të Brendshëm, Fatmir Xhafaj) është treguar se bashkëpunëtori është ndihmuar nga shtetasi Agron Xhafaj për të siguruar një sasi kanabisi për ta trafikuar.

Po kështu është dërguar për ekspertim materiali i videopërgjimit në laboratorë ndërkombëtarë jashtë vendit.

Gjithashtu njoftojmë se ka filluar dhe kryerja e verifikimeve pasurore për shtetasin Geron Xhafaj, i ditëlindjes 08.06.1975, me kombësi dhe shtetësi shqiptare, lindur dhe banues në Vlorë./CNA.al