web counter
LEXO PA REKLAMA!

SHKARKO APP

Habit Rama/ Fton qytetarët në protestën e 26 majit

24 Maj 2018, 10:34, Aktualitet CNA

Sot në Kuvend kryeministri Edi Rama ka habitur deputetët e mazhorancës, ndërsa ka ftuar qytetarët në protestën e 26 majit.

Në fakt e gjitha ka qenë nje thirrje ironike, për të treguar se opozita po e organizon protestën për të penguar çeljen e negociatave.

“Shkoni në protestë, nëse doni të bllokoni çeljen e negociatave”, iu është drejtuar Rama qytetarëve, nga foltorja e Kuvendit.

Më tej ai është ndalur tek audio-përgjimi Xhafaj.

?Kjo është tallje. Ky audiopërgjim bëhet për të shkatërruar negoaciatat dhe çdo qytetar që nuk i do negociatat le të shkojë në protestë. Çdokush që shkon në protestë duhet ta dijë se shkon për të kontribuar për të kundërtën. Kam një pyetje për të gjithë ju. Çfarë do të mendoni për vetën tuaj, kur kjo që unë them të dalë e vërtetë dhe kur të mësoni se bëhet fjalë për një tallje të madhe dhe se e gjithë kjo histori synon destabilizimin e vendit.

Si do dilni në protestë, kur të shihni se keni dalë për të mbështetur disa aktorë, njësoj sikurse për të parë një film? Mendojeni këtë që po ju them që mos t’ju duket vetja si të keqpërdorur me paralajmërim?,- iu tha  Rama qytetarëve. /CNA.al





Lajmet e fundit nga