web counter
LEXO PA REKLAMA!

SHKARKO APP

App Store
Google Play

E fundit!

x

Nga Denis Dyrnjaja/ Nacionalistët e mjerë virtualë

23 Maj 2018, 20:28, Aktualitet CNA

Inboxi im i Facebook gëlon nga mesazhet këto 24 orët e fundit në lidhje me një qëndrim timin pro performancës së këngëtarit grek Notis Sfakianakis. Sigurisht ka edhe opinione të tjera lart e poshtë nëpër Facebook për të njëjtën çështje. Mbrëmë isha në Top Show së bashku me Oriela Nebijaj për këtë temë.

Vë re se mbështetësit e idesë së një koncerti të këngëtarit të famshëm grek janë të shumtë, shumë më të shumtë se kundërshtarët, por këta të fundit kanë një specifikë që në vend të argumentit kanë zgjedhur fyerjen jo argumentin dhe bëjnë zhurmë më të madhe se të paqtit, sepse injoranca ka një element superior ‘të mund me eksperiencën e saj në debatin pa arsye”. Kujtojnë se fyerja është argument, dhe frustrimi mendim. Të mjerët duhen mëshiruar qofshin këta me apo pa identitet publik. Histeria sesi një shqiptar anatemon një shqiptar është më shumë sesa keqardhëse, sepse reflekton miopi publike, mungesë arsyeje dhe qytetarie.

Personalisht nuk më komplekson asnjë sulm mediokër dhe fyerje vulgare sepse kushdo që mendon në këtë mënyrë arkaike vetkategorizohet në mjeran qoftë njeri i thjeshtë, qoftë njeri me status publik. I mëshiroj ata se më duken shumë të vegjël dhe qesharakë nga qëndrimi dhe mendimi jo nga pesha, seksi apo mosha që kanë. Kush ka bythë dhe është vërtetë kaq nacionalist sa pretendon e ftoj të shkojë të bllokojë trenin që serbët do tentojnë ta fusin sërish në Kosovë me mbishkrimin “Kosova është Serbi”. Këtë pres nga këta të zellshmit e kombit që bëjnë si atdhetarë vetëm nga frenegjitë e Facebook si skuthë. Atdheu do këllqe, jo llogje e trimëri në facebook!





17:52 Aktualitet

Ermalët e Vlorës!

Që kur doli lëmshi infantil për vëllanë e Fatmir Xhafës, Agr...

Lajmet e fundit nga