web counter
LEXO PA REKLAMA!

SHKARKO APP

App Store
Google Play

Çifti i veçantë nga Shkodra rrëfen historinë e dashurisë: Si na bashkuan tatuazhet

10 Janar 2018, 13:00, Aktualitet CNA

Kristi dhe Paola janë dy të rinj nga Shkodra, të cilët janë njohur krejt rastësisht dhe po shijojnë një histori të bukur dashurie. Ata sot jetojnë të dy në Torino të Italisë, ku edhe kanë hapur studion e tyre të tatuazheve.Të ftuar tek Rudina, Kristi tregon se si janë njohur.

 

Ai shprehet:

Momenti i parë që jemi parë ka qenë në studion time në Shkodër. Ajo erdhi me pushime në Shqipëri, rreth 3 vite e gjysmë më parë. Deri para dy viteve kam pas studion time në Shkodër. Paola ka lindur në Greqi dhe ka jetuar 3-4 muaj e më pak. Me familjen u zhvendos në Itali. Erdhi në Shqipëri. Shoqja e saj donte të bënte një tatuazh. Shkëmbyem numrat, llogaritë në Facebook.Vendosa të shkoja me pushime në Torino, në Itali. Dilnim. Doja ta merrja me vete në Shqipëri. Më tha direkt “po”.

E mora me vete në Shkodë dhe filluam direkt bashkëjetesë. Ndërkohë shkoja çdo tre muaj atje dhe njihja njerëz, krijova klientelë. E kuptova se atje gjërat po më ecnin mirë. Pas një viti vendosa të mbyllja studion dhe të zhvendisesha atje.

Paola ka studiuar për balet. Kur më njohu mua vendosi të linte gjithçka dhe të bënte artin tim. Më parë është marrë me vizatim dhe pasi më njohu mua, filloi me tatuazhet”.

Ata punojnë të dy në studion e ngritur nga vetë ata dhe tatuazhet e veçanta i aplikojnë edhe në lëkurën e tyre, e jo vetëm tek klientët./CityNews





Lajmet e fundit nga