web counter
LEXO PA REKLAMA!

SHKARKO APP

App Store
Google Play

E fundit!

x

Trafiku i shqiptarëve drejt Anglisë/ Ambasada në Shqipëri reagon për lajmin

13 Shtator 2017, 16:23, Aktualitet CNA

Një natë më parë emisioni investigativ ?Fiks Fare? denoncoi me zë dhe figurë trafikun e klandestinëve shqiptarë drejt Anglisë dhe mënyrën se si funksiononte.

Sekserët u kërkonin shqiptarëve shifra 7, 9 apo 11 mijë euro për t?i dërguar në ?Tokën e Premtuar? në rrugë të paligjshme.

Gazetarët ranë në gjurmët e trafikantëve nëpërmjet rrjeteve sociale. Më pas bisedat në telefon, e në fund takimet, të cilat u zhvilluan në qytetin e Vlorës.

Pas këtij lajmi ka reaguar ambasada britanike në Shqipëri:

?Ne, prej shumë kohësh, jemi në dijeni të ekzistencës së bandave kriminale që ofrojnë shërbime për të lehtësuar hyrjen e paligjshme në Britaninë e Madhe. Britania e Madhe ka rritur shkëmbimin e informacionit të përpunuar me partnerët europianë dhe me ata ndërkombëtarë, në kuadër të shënjestrimit të bandave të lidhura me trafikimin e njerëzve, duke ngritur kështu Task Forcën e Krimit të Organizuar të Emigracionit, që funksionon në 17 shtete?,-thuhet ndër të tjera në reagim.

?Çdo vit humbasin shumë jetë të pafajshme, sepse njerëzit u japin besim kriminelëve, interesi i vetëm i të cilëve janë paratë që ata përfitojnë. Rrallëherë merret parasysh siguria e atyre që udhëtojnë. Ne e kuptojmë se disa njerëz e gjejnë veten në një situatë të pashpresë, megjithatë jeta e tyre nuk duhet kurrsesi të rrezikohet në të tilla udhëtime?,–përfundon komunikata e Ambasadës britanike në Tiranë. /Citynews





Lajmet e fundit nga