web counter
LEXO PA REKLAMA!

SHKARKO APP

App Store
Google Play

E fundit!

x

Grida Duma akuzon për manipulim/ Qytetarët shqiptarë e kryqëzojnë në komente

9 Shtator 2017, 20:25, Aktualitet CNA

Deputetja e Partisë Demokratike, Grida Duma ka deklaruar se procesi i numërimit të votave në Kuvend ishte i manipuluar dhe për këtë arsye ka arritur të fitojë Gramoz Ruçi. Duma ka thënë gjithashtu se PD-ja vendosi me qëllim të qartë të lërë Partinë Socialiste të administronte numërimin dhe votimin, për të vërtetuar se deri ku mund të shkojë e keqja e PS-së.

Por, i gjithë procesi u transmetua drejtpërsëdrejti në mediat shqiptare dhe është gati e pamundur që një manipulim i tillë të ndodhë. Grida kërkon të gjejë komardaren e shpëtimit duke gënjyer publikisht për rezultatin e zgjedhjeve për Kryetarin e Kuvendit.

?Grupi parlamentar i Partisë Demokratike vendosi me qëllim të qartë të lërë Partinë Socialiste të administronte numërimin dhe votimin; pikërisht për të vërtetuar deri ku shkon e keqja. U faktua! Sot u vodh dhe u manipulua edhe rezultati i sigurtë. Mosmarrja pjesë e opozitës, Partisë Demokratike në komisionin e votimit u bë pikërisht për të faktuar se udhëheqësia me “Ruçë” do të jetë si në diktaturë, ku shkruheshin dëshmitë e rreme në dosjet që do të përcillnin vrasjet reale. Në seancën e parë të kësaj legjislature u krye vrasja e parë e votes se lirë!?, ka thënë Grida në postimin e saj.

Por, nuk janë në një mendje qytetarët shqiptarë të cilët kanë komentuar duke thënë se ishte komplet faji i Lulzim Bashës dhe PD-së që u zgjodh Gramoz Ruçi në krye të Kuvendit.

Qytetarët kanë ironizuar postimin e Grida Dumës duke i thënë që në vend që të gjejnë justifikime patetike, të bëjnë analizë për të gjetur se kush tradhëtoi demokratët duke votuar për Gramoz Ruçin. /CityNews





Lajmet e fundit nga