E fundit!

10:40 Aktualitet

Vrasja e efektivit/ Mbahen homazhet në nder të tij

Këtë të premte po mbahen homazhet në Korçë në nderim të ef...

Përrallë për të rritur

6 Shtator 2017, 08:05, Aktualitet CNA

“Nënoo, kjo kusi me ujë valoi, ç’u bë uji që shteroi?”

“Uji u bë avull, bir.

“Avulli ç’u bë?”

“U bë re”

“Ç’u bënë retë, nënee?”

“Retë u bënë shi.”

“Po shiu?”

“Shiun e piu lumi”

“E lumi?”

“Lumin e pinë qetë”

“Qetë ku janë moj nanë?

“I hëngri ujku…”

“Po ujku…?”

Ky tekst i hershëm anekdotik e formues, ka qënë në këndimet e fillores. E kanë hequr “revolucionarizimet” kineze të gjysmës së dytë të shekullit komunist.

Një nga pergjigjet paradoksale që mbaj mend i cili i atriubuohej nëne-së, tashmë e lodhur nga pafundesia e pyetjeve, ishte se ujkun e kishte lënë ta vriste gjuetari dhe ky i fundit hengri buk e fiq dhe vdiq. Por ka qene dhe një version tjeter ku ujku nga kau hengri mish…,pastaj ra e vdiq.

Rrallë prind nuk është gjetur para pyetjeve të ngeshme të kuriozitetit infinit të fëmijëve dhe mijëra herë, prindi pavarësisht nivelit, para ketyre pyetjeve naive, ka ngec’ ose ka dredhuar tek pergjigja duke i shkarkuar përgjegjësitë tek paradoksi.

Ideja qendrore?

Gjithçka transformohet dhe perfundon në vdekje domethenë hiç.

Po dhe komike dhe argëtuese e didaktike, kur kemi parasysh lakadredhat që nëneja shpik per të shuar zjarrminë e kureshtjes së njomë të fëmijes, derisa ngre duart… Një dorëzim dinak ky.

Kur tashmë njihet e dihet dukuria e avullimit e kondensimit e mjaft ligjesh te tjera të fizikës si ai i ruajtjes se masës, dukuritë sociopolitike qe mund të analogojnë me fabulën e tekstit të moçëm, të lë në mes të pyllit pa busull, pa sopatë…

Personazhet:

1-fëmija naiv (populli)

2-Nana (Kushtetuta e Republikës) që sipas preambulës shpreh, mbron e rregullon me ligj interesat dhe bashkëjetesën e nështetasve te Republikës.

“Nanë moj, ky plantacion me drogë lulëzoi e harboi, ç’u bë, gjithë ku prodhim, nga shkoi?

“u korr bir, u bë hashash”

“hashashi ç’u bë?”

“E mori “trimi” e çoi tek polici, polici e percolli tek ministri, ministri tek kryeministri, kryeministri e bëri dollarë

“po dollarët nga vanë?”

“Dollarët u bënë lekë e lingota”

“lekë e lingota, ç’u bënë moj nënë”?

“lingotat u bënë monedha për mafioza, lekët “shi” me vota për trafikantë e bossa.

“Po votat? Mos më thuaj se i pinë qetë…