web counter
LEXO PA REKLAMA!

SHKARKO APP

App Store
Google Play

E fundit!

x

Vrasja e Artan Cukut/ Dëshmitarët tregojnë se çfarë folën me dy vrasësit

10 Prill 2017, 08:15, Aktualitet CNA

Artan Cuku ish komisari i lartë në Policinë e Shtetit u ekzekutua mbrëmjen e të shtunës me 5 plumba në një pritë përpara shtëpisë së tij.

Një ditë pas ngjarjes dëshmitarët kanë treguar që i kanë parë autorët dhe se kanë biseduar me ta. Administratori i pallatit ka deklaruar për Hetimet se ka folur me njërin prej autorëve, i cili ishte i ulur në shkallë dhe nuk e ngrinte kokën nga telefoni.

Administratori i pallatit e ka pyetur njërin nga autorët se çfarë kërkonte aty dhe ai i fundit i është përgjigjur se aty po priste dikë për t?i sjellë çelësat sepse i duheshin për të marrë një shtëpi me qira.

Ndërkohë nga ana tjetër ka qenë një nga banorët e pallatit që ka folur me autorin tjetër që rrinte jashtë dhe e ka pyetur se si mund ta ndihmonte, sepse i dukej fytyrë e panjohur dhe në pritje të dikujt.

Sipas dëshmitarëve, të dy autorët kishin dialekt verior, ishin me trup mesatar të hollë rreth 170 centimetra, por asnjërit nuk i ishte fiksuar fytyra sepse që të dy qëndronin me kokë poshtë dhe kishin një kapele me strehë.

I ndjeri Artan Cuku u qëllua me pesë plumba, katër në kraharor dhe një në kokë, në hyrje të pallatit në zonën e Liqenit Artificial./CityNews





Lajmet e fundit nga