web counter
LEXO PA REKLAMA!

SHKARKO APP

App Store
Google Play

E fundit!

x

FOTO-EKSKLUZIVE/ Gjykatësit dhe prokurori i Apelit drekojnë për Vettingun

4 Shkurt 2017, 11:33, Aktualitet CNA

Prokurorët dhe gjykatësit në Shqipëri nuk takohen vetëm në sallën e gjyqit, për frymën e mirë të bashkëpunimit që kanë,  ata drekojnë ose darkojnë së bashku edhe kur duhet të jenë në zyrë.

Ndoshta Vettingu i ka shqetësuar jo pak, ata  mblidhen për të qarë hallet për të ardhmen e tyre.

CityNews sjell një foto ekskluzive (foto 2) nga një drekë e mbajtur ditën e enjte në mesditë, ku gjyqtarët, prokurori dhe kancelari duhej të ishin në krye të detyrës.

Në fakt, janë në krye të tavolinës, duke pirë verë të shtrenjtë dhe duke drekuar në një restorant peshku. Në tavolinë pritet edhe një i ftuar i pestë, i cili siç duket në foto, ende nuk është ulur.

Në foton e mëposhtme janë: Dy gjykatësit e Gjykatës së Apelit Tiranë, Shkëlqim Miri dhe Fatos Qato.

Përballë tyre qëndron një vajzë bionde, që është kancelarja e gjykatës dhe prokurori i Prokurorisë së Apelit Tiranë, Dritan Peka.

Në mes të ditës, në orarin zyrtar, prokurori i Gjykatës së Apelit Tiranë me gjyqtarët, në vend të jenë në seancë apo në punë, qajnë hallin e Vettingut, duke ngrënë në restorante peshku dhe duke shijuar verë të shtrenjtë. Fatura në fund është si vetë ?drejtësia? e vendimeve të tyre.

E ardhmja e Reformës në Drejtësi, pas këtyre drekave duket të jetë edhe më e sigurtë. /CityNews





Lajmet e fundit nga