web counter
LEXO PA REKLAMA!

SHKARKO APP

App Store
Google Play

Rama: Do rrisim pagat dhe pensionet më shumë se Berisha

1 Tetor 2016, 09:58, Aktualitet CNA

Kryeministri Edi Rama në fjalën e tij në Asamblenë Kombëtare të Partisë Socialiste në paraqitjen e rezultateve të reformave të ndërmarra nga qeveria premtoi se me buxhetin e vitit të ardhshëm do të ketë rritje të pagave dhe pensioneve më shumë se qeveria Berisha.

?Do të rrisim pagat dhe pensionet me buxhetin e vitit të ardhshëm. Do t?i rrisim pagat me më shumë se sa i ka rritur qeveria e mëparshme. Një masë e domosdoshme në këtë moment?, tha Rama.

?Vitin e ardhshëm rrisim pagat e pensionet me buxhetin e vitit 2017 më shumë seç i ka rritur qeveria paraardhëse. Nuk është vetëm në aspektin financiare e moral, masë e domosdoshme në këtë moment.
Përtej zhurmës së kazanit duhet të pranojmë se reformat s?do kishin pasur ritëm e impakt nëse nuk kishim mbështetjen e popullit dhe mirëkuptimin e tij.  Në fund të këtij 4-vjeçari meritojmë të shpërblehen për gjithë këtë punë që unë e konsideroj të përbashkët. Duhet të shohin e prekin një provë të së vërtetës së reformat kanë synim që të përfitojnë qytetarët. Gjithë kjo luftë e madhe me abuzivizimin dhe mungesës së shtetit, ka sjellë rezultate në financa. Këto rezultate s?duam të mbeten shifra por të shkojnë tek qytetarët. Domosdoshmëri që të vëmë në dispozicion të njerëzve një paketë financiare që të jetë e tyre. 100 milion dollar për njerëzit që ne do ti ndajmë nga arka e përbashkët e shtetit dhe do ua kalojmë qytetarëve në çdo familje me rritje rrogash e pensionesh?, u zotua kryeministri Edi Rama. /Citynews.al





Lajmet e fundit nga