web counter
LEXO PA REKLAMA!

SHKARKO APP

App Store
Google Play

Rrëzohen kunetërit kandidatë për në Gjykatën e Strasburgut

1 Tetor 2016, 07:31, Aktualitet CNA

Të tre kandidatët e qeverisë për një post në Gjykatën e Strasburgut, janë rrëzuar dje nga Këshilli i Europës. Gjyqtari Ledi Bianku, të cilit i ka përfunduar mandati duhet të zëvendësohej me një prej tyre por asnjë nga tre kandidatët nuk është pranuar për intervistë. Ina Rama, Genti Ibrahimi dhe Sokol Berberi pas udhëtuan në Paris për t?u intervistuar nga përfaqësuesit e Asamblesë Parlamentare të Këshillit të Evropës, por janë informuar se asnjëri prej tyre nuk është i pranueshëm dhe nuk do të intervistohet fare.

Dyshohet se KiE nuk pajtohet me procedurat e përzgjedhjes së tre kandidaturave nga ana e qeverisë, kjo për faktin se ata kanë lidhje politike. Për përzgjedhjen e tre kandidaturave ka patur një luftë ashpër brenda Partisë Socialiste. Kandidati Sokol Berberi është kunati i Fatmir Xhafajt. Sali Berisha e ka akuzuar Xhafajn se ka lobuar fort që ai të shkojë në Strasburg. Ndërsa Gent Ibrahimi është kunati i ministres Mimi Kodheli. Ai është ndër autorët e reformës në drejtësi dhe është akuzuar nga opozita si ekspert i mazhorancës. Pak javë më parë, komisioni përzgjedhës i përbërë nga Luan Omari, Kristaq Traja, Bashkim Dedja, Artan Hoxha dhe Artur Metani përzgjodhën tre kandidaturat. Gjyqtarët shqiptarë që emërohen në Gjykatën e të Drejtave të Njeriut shqyrtojnë kryesisht ankimimet e qytetarëve shqiptarë, që kërkojnë të drejtën e tyre për çështjet pronësie, pasi iu është mohuar e drejta në shkallët e gjyqësorit vendës.

Këshilli i Europës brenda datës 26 gusht, i kërkoi qeverisë shqiptare që të propozonte 3 kandidatura për postin e anëtarit të Gjykatës së Strasburgut, pasi më 31 janar të vitit 2017 përfundon mandati i gjyqtarit të vetëm që ka Shqipëria në GJEDNJ. /Citynews.al





Lajmet e fundit nga