web counter
LEXO PA REKLAMA!

SHKARKO APP

App Store
Google Play

E fundit!

x

Ligji i ri për mbjetjet e riciklueshme është i domosdoshëm

1 Tetor 2016, 10:53, Aktualitet CNA

Kryeministri Edi Rama ka folur edhe për ligjin e importit të mbetjeve në asamblenë e PS-së ndërsa Aktivistë Kundër Importit të Plehrave protestonin para kryeministrisë. Rama nga Asambleja Kombëtare e PS-së mbrojti ligjin e importit të mbetjeve duke e quajtur të domosdoshëm.

?Ligji i ri për mbjetjet riciklueshme është i domosdoshëm dhe tërësisht konformon ambicieve tona për një Shqipëri të pastër. Ajo që ne kemi bërë është ligji më i kufizuar në rajon deri në pikën të kufizosh importin e lëndës së parë me pasjen e një fabrike dhe kapacitetin e saj?, tha Rama.

“Kush kujtohet për çfarë kemi thënë kur kërkonim reformën territoriale kemi thënë se duhet kjo reformë për të kaluar në fazën e menaxhimit të mbetjeve. Pa Bashkitë e reja ishte e pamundur që të vinte në jetë plani ynë për ndarjen e diferencuar në burim që është baza e bërjes funksionale të industrisë së riciklimit. Është fakt që jemi përgatitur për të dyja; a. për të vënë në lëvizje bashkitë e reja dhe  b. industrinë e riciklimit.
Kur ne bllokuam plotësisht ligjin e vjetër ishim të vetëdijshëm që do krijohej një ngërç për këtë industri dhe ishte parashikuar duke konsideruar dy element .1. Bërjen e kuadrit ligjor për mbetjet e gjelbërta dhe 2. Për ta nxitur industrinë që në kushtet kur e kishte të pamundur importimin të rriste kapacitetin mbledhës”, theksoi Rama.
Kryemninistri nënvizoi më tej: “Disa kompani po falimentonin dhe po spostoheshin në vende të tjera.
120 mijë ton mbetje të riciklueshme që sot mblidhen nga Shqipëria do mbeteshin rrugëve.
Ajo që ne kemi bërë është ligji më i kufizuar në rajon. Të kushtëzosh importin e lëndës së parë me pasjen e një fabrike, kemi kushtëzuar sasinë e mbetjeve me kapacitetin e fabrikës”/Citynews.al





Lajmet e fundit nga