web counter
LEXO PA REKLAMA!

SHKARKO APP

App Store
Google Play

E fundit!

x

Gjosha në Bruksel/ Do realizojmë Reformën në Drejtësi

30 Shtator 2016, 10:21, Aktualitet CNA

?Shqipëria është e vendosur të realizojë zbatimin e reformës në drejtësi përmes procesit të integrimit?, kështu tha Ministrja e Integrimit Evropian, Klajda Gjosha gjatë një vizite në Bruksel, ku u takua me eurodeputetët Eduard Kukan dhe Knut Fleckenstein. Në këtë takim ajo theksoi, se ky proces ka nevojë për një dialog politikë e konstruktiv pasi i shërben të ardhmes së vendit. Sipas saj, ky proces do kërkojë kohë që zbatimi i reformës të bëhet më konkretë. ?Ky dialog  dhe vullnet pozitiv i treguar për reformën në drejtësi, është i domosdoshëm të vazhdojë edhe me ligjet e tjera që duhet të miratohen, pasi i shërben të gjitha palëve politike, por dhe të ardhmes së vendit?, tha Ministrja Gjosha. Prandaj dhe për ne është me shumë rëndësi, marrja e një rekomandimi pozitiv për çeljen e negociatave me BE-në pikërisht me këto kapituj, të cilët në fakt do të jenë të parët që do të hapen dhe të fundit që do mbyllen?, tha Ministrja Gjosha. Më tej, ajo u shpreh se Shqipëria meriton një raport pozitiv nga Komisionin Europian dhe se marrja e rekomandimit do të ishte shtysa me e mirë, për të vazhduar rrugën e reformave shtetndërtuese, të cilat i shërbejnë të ardhmes së vendit dhe qytetarëve. Nga ana tjetër aurodeputetët vlerësuan maksimalisht miratimin konsensual të reformës në drejtësi. Sipas tyre, ky është  një hap i madh përpara për Shqipërinë,  në rrugën e saj drejt Bashkimit Europian. Ata inkurajuan Shqipërinë për të ecur përpara me procesin e integrimit, duke nënvizuar se ky moment pozitiv duhet përdorur pikërisht në funksion të së ardhmes europiane. /Citynews.al

 

 





Lajmet e fundit nga