Drejtësia, konfigurimi i votave në Kuvend/Ja deputetët që pritet të miratojnë reformën

20 Korrik 2016, 10:58, Aktualitet CNA

Kuvendi do të votojë në seancën e ditës së nesërme (21 Korrik) mbi draftin e reformës në drejtësi, ndërsa palët vijojnë negociatat, ndonëse ende nuk ka një dakordësi edhe për dy çështjet e mbetura pezull. Por si rezulton konfigurimi i votave në Kuvend, nëse mazhoranca dhe opozita nuk arrijnë konsensusin për reformën.

Kryeministri Edi Rama në emër të mazhorancës deklaron se Kuvendi do të votojë draftin, ndërsa theksoi se votat e deputetëve të mazhorancës do të jenë në bllok pro reformës.

Grupi Parlamentar në tërësi e tij përfshin 64 deputetë, përfshi këtu edhe Armando Prengën dhe Tom Doshin të përjashtuar nga PS.

LSI, aleati më i madh i PS-së në Qeverisjen e vendit numëron 20 deputetë, përfshi këtu edhe Përparim Spahiun e përjashtuar vetëm pak javë më parë.

Pra dy forcat kryesore politike të së majtës kanë 84 vota. Ndërkohë PDIU e drejtuar nga Shpëtim Idrizi ka 5 deputetë, të cilët pritet të votojnë pro duke e çuar numrin në 89, nga 93 votat që duhen për miratimin e ndryshimeve kushtetuese.

Po cilët janë deputetët jashtë mazhorancës që do të votojnë pro draftit, edhe nëse PD nuk do të japë konsensusin.

Deputeti i PD-së Eduard Selami ka deklaruar publikisht votën e tij pro draftit, duke e çuar numrin në 90, Mirela Ferracaku, deputetja e Kristian Demokratëve gjithashtu pritet të votojë pro reformës, duke e çuar në 91 numrin e mbështetësve.

Deputetë të tjerë që mendohet se do të votojnë pro draftit janë edhe Nard Ndoka, Agron Duka, Dashamir Shehi dhe Vangjel Dule, duke e çuar numrin në 96, i mjaftueshëm për të miratuar ndryshimet kushtetuese. /citynews/

Grupi Parlamentar socialist 64 anëtarë

Adelina Rista

Alfred Peza

Anastas Angjeli

Andrea Marto

Anila Agalliu

Antoneta Dhima

Arben Çuko

Arta Dade

Artan Gaçi

Bashkim Fino

Ben Blushi