Gjykatësja me vilë 1 milionë euro kandidon për Gjykatën e Lartë

30 Prill 2016, 08:26, Aktualitet CNA

Entela Prifti, e cila është akuzuar në media, konkretisht nga emisioni investigativ ?Fiks Fare? por edhe materiale të tjera të publikuara në citynews.al, ka plotësuar dokumentacionin për të qenë anëtarë e Gjykatës së Lartë.

Investigimi i Fiks Fare – http://top-channel.tv/2016/01/12/investigimi-i-fiks-fare-pasurite-e-gjyqtareve-dhe-prokuroreve-ne-korce/

Entela Prifti është kryetarja e Gjykatës së Apelit në Korcë prej dy mandatesh. Ajo ka qenë anëtare e kolegjeve zgjedhore, të cilat opozita e atëhershme e Edi Ramës i akuzoi si të korruptuara dhe të marra peng nga Partia Demokratike.

?Fiks Fare? pak kohë më parë tregoi vilën në qendër të Korcës në pronësi të gjykatëses. Ky objekt sipas vetë punonjësve të saj, kushtonte të paktën 1 milionë euro. Nga ana tjetër, u përfol edhe investimi i bërë në këtë objekt në materiale t e publikuara në mediat e tjera, i cili kishte kushtuar të paktën 250 mijë euro.

Pak javë më parë, Entela Prifti, u denoncua nga roja e objektit të Gjykatës, i cili ndjehej i kërcënuar nga Entela Prifti pasi kërkonte ta largonte vetëm e vetëm se kishte treguar në kamerën e fshehtë se ku ndodhej vila e saj.

Palët politike në vend flasin cdo ditë për Reformën në Drejtësi. Ndërkombëtarët i kërkojnë politikës Reformën në Drejtësi, por gjykatësit simbol për të cilët bëhet kjo reformë kanë kurajo dhe kërkojnë që të ngrihen në nivele më të larta të sistemit gjyqësor për ti shpëtuar edhe këtë herë furtunës që po shkon drejt gjyqësorit.

Ende nuk e dimë nëse Entela Prifti e ka deklaruar vilën tek dokumentacioni që i ka dorëzuar Presidentit Nishani. A është në dijeni Presidenti Nishani për pallatin e ndërtuar prej saj? A është në dijeni Presidenti i Republikë se klani Prifti-Tare është akuzuar si bajraktarë të Korcës, pasi bashkëshorti i gjykatëses, prej më shumë se 20 vitesh është drejtori i UK në Korcë. Së fundmi ai u padit për një dëm të shkaktuar me vlerë 3 milionë euro për matësat e ujësjellësit.

Cfarë presin shqiptarët? Reformë në Drejtësi duke ngritur në sistem gjykatësit e akuzuar, apo largimin e tyre dhe ngritjen e një sistemi drejtësie të drejtë dhe jo të korruptuar? Shenjat e para se ku do të përfundojmë po i jep Entela Prifti./citynews

Kryetarja e Gjykatës së Apelit në Korçë Entela Prifti, kërcënon me bukën e gojës rojen e institucionit

A është kjo gjyqtare e korruptuar? Në vend të një letre drejtuar ambasadorit të SHBA-ve, Donald Lu

Sa kushton vila e Petrit Tares dhe Entela Priftit?

Bajraktari Tare dhe Entela Prifti, miliona lekë në vit nga taksat e shqiptarëve