E fundit!

16:03 Aktualitet

Garat formale në Policinë e Shtetit

Ditën e sotme është publikuar renditja me kandidatët që pr...

Ndërprerja e grevës nga policia, reagon PD

1 Mars 2015, 08:24, Aktualitet CNA

Sipas Partisë Demokratike, ndërprerja e grevës së studentëve nga policia ka ardhur si pasojë e forcës së treguar nga blutë për të larguar studentët dhe nuk kanë lejuar përfaqësues të kësaj partie të takohen me grevistët që janë shpërndarë në disa komisariate. Dje ishte dita e dytë e grevës së urisë dhe studentët kishin deklaruar se nuk do të tërhiqeshin nga protesta e tyre derisa qeveria të barazonte tarifat e studimit.

Në një deklaratë për median koordinatori i PD-së Ervin Salianji deklaron se është përdorur dhunë:

Ora 5:30 e mëngjesit e datës 1 mars. Kemi qarkulluar në të gjitha komisariatet e Tiranës, përfshi dhe Drejtorinë e Policisë Tiranë. Jemi tek komisariati 4, i cili është komisariati që duhet të siguronte mbarëvajtjen e grevës së urisë së studentëve. Akoma nuk na japin informacion. Jemi duke pritur prej 1 ore oficerin e kontaktit të informacionit për të thënë se sa studentë grevistë mbahen në ambjentet e këtij komisariati që të shohim se a janë rrëmbyer vërtetë këto student apo janë shoqëruar nga policia. Disa student të liruar, studente vajza të cilat janë dhunuar dhe janë kapur prej flokësh. Studentet me inicialet F.A , A.K, K.A, O.T dhe B.M sapo kanë dalë nga ky komisariat na kanë dëshmuar se janë dhunuar, janë kapur prej flokësh prej punonjësve të Policisë së Shtetit.

Afro 50 punonjës të Policisë kanë hyrë në ambjentet ku zhvillohej greva dhe kanë kapur prej flokësh vajzat dhe kanë goditur djemtë pa asnjë arsye duke shkatërruar grevën e urisë. Asgjë më pak nuk ka një shtet totalitar se sa ky që po shohim këtu.

Prej 4 orësh sorollatemi nëpër ambjentet e Policisë së Shtetit, i kemi të dokumentuara të gjitha dhe policia nuk na jep asnjë informacion se ku ndodhen këto studentë të shoqëruar. Imagjinoni se çfarë ndodh në këtë vend, se ku ka degraduar rendi dhe siguria publike ky njeri, ky fëlliqësirë politike që drejton sot këtë vend dhe jep urdhra për të shoqëruar studentët grevistë, urdhra të cilat as Ramiz Alia nuk ka guxuar t?i japë në vitin 1991.

Përgjigjen për këtë do ta marrë shumë shpejt, qytetarët shqiptarë do ta marrin vetë fatin e tyre në dorë dhe nuk do lënë këta fëlliqësira të cilët luajnë me fatin e qytetarëve shqiptarë.