web counter
LEXO PA REKLAMA!

SHKARKO APP

App Store
Google Play

Patatja e Korçës, fermerët: Stok, as me 20 lekë nuk po e marrin

28 Shkurt 2015, 20:27, Aktualitet CNA

Luljeta Shahollari është një nga fermeret e mëdhenj të fshatit Lumalas, e cila çdo vit mbjell mbi 35 hektarë me patate me një prodhim prej 16 mijë kuintalë, por deri më tani vetëm gjysma e prodhimit është shitur, ndërsa pjesa tjetër ka mbetur në magazina.

Luljeta Shahollari: ?Prodhimi ka qenë shumë i mirë, shumë i pastër, brenda normave të prodhimit të konsumit, mirëpo nuk ka treg shitje. Është shumë e dobët tërheqja dhe çmimi është shumë i ulët. Patatja e konsumit po shitet me 200 lekë të vjetra, 210. Megjithatë prapë tërheqje si për 200 lekë që është nuk ka. Vinë rrethet dhe thonë që na ka mbytur patatja e Kosovës. Patatja e Kosovës këtu duhet të vijë pasi të ketë mbaruar patatja e Korçës?.

Si çdo produkt edhe patatja ka një afat skadence.Pas muajit prill, patatja e Korçës jep shenjat e para të prishjes, çka e bën më pak të preferuar në treg.

Luljeta Shahollari:? Ka filluar mbirja,ka shumë humbje, ka shumë firo dhe nuk ka bukurinë vetë fruti. Kjo patate ka afat deri në fund të prillit, 6000 mijë kuintalë deri në fund të prillit është e frikshme. Mua më duket shumë e vështirë për ta shitur këtë. Më pas hyn patatja e re e Divjakës, fillon në javën e parë, të dytë të majit. Dhe kjo patate fillon dghe ëmbëlsohet, rrudhet, ka problemet e saj. Çdo gjë ka kohën e vet?.

Janë me qindra fermerë në qarkun e Korçës, në  Lumalas, Orman, Pojan, Zvirine, etj që përballen me situatë të ngjashme.

Siç duket edhe këtë vit, lumenjtë dhe përrenjtë do të mbushen me patate të cilat do të shkojnë vetëm për firo.





Lajmet e fundit nga