Suedia shkëlqen me “manita”, Gykeres dhe Isak nuk falin. Fiton Bregu i Fildishtë

15 Qershor 2026, 11:12, Sport CNA

Suedia shkëlqen me “manita”, Gykeres dhe Isak nuk falin. Fiton

Suedia ka regjistruar një start pozitiv në Kampionatin Botëror, duke mposhtur Tunizinë me rezultatin e thellë 5-1 në ndeshjen e Grupit F.

Ky rezultat zgjat ecurinë pozitive të suedezëve, të cilët tashmë numërojnë pesë ndeshje hapëse radhazi pa humbje në fazat finale të Kupës së Botës. Skuadra e drejtuar nga Graham Poter, e cila siguroi kualifikimin përmes fazës së "play-off"-it në muajin mars, mori avantazhin e dyfishtë që në gjysmëorën e parë të lojës, duke shfrytëzuar pasaktësitë në prapavijën afrikane.

Goli i parë i takimit u shënua në minutën e 20-të nga Jasin Ajari, i cili dërgoi topin në një portë të zbrazur nga një distancë prej 25 metrash. Suedia e dyfishoi avantazhin në minutën e 30-të përmes një kundërsulmi të shpejtë. Viktor Giokeres asistoi për Isak, me sulmuesin që shënoi me një goditje të fortë. Tunizia reagoi përpara pushimit të pjesës së parë, ku mbrojtësi Omar Rekik shënoi me kokë pas një krosimi të saktë nga e djathta, duke ngushtuar diferencën në 2-1.

Pavarësisht përpjekjeve të Tunizisë për të gjetur barazimin në fillimin e pjesës së dytë, Suedia arriti të siguronte avantazhin e sigurisë në minutën e 60-të. Isak ushtroi presion mbi kapitenin tunizian Skhiri, duke i rrëmbyer topin dhe duke shërbyer në zonë për Giokeres. Sulmuesi nuk gaboi nga një distancë e afërt, duke shënuar golin e tij të 15-të në 16 ndeshjet e fundit me kombëtaren. Ky gol u hoqi mundësitë e reagimit lojtarëve të drejtuar nga Sabri Lamuçi.

Në 15 minutat e fundit, Suedia shënoi edhe dy gola të tjerë për të vulosur rezultatin përfundimtar në 5-1.

Fillimisht Svanberg realizoi brenda zonës, dhe pak minuta më vonë Ajari shënoi golin e tij të dytë personal me një goditje të fortë nga jashtë kuadratit. Me këtë fitore, Suedia merr kryesimin e Grupit F përpara ndeshjes së radhës kundër Holandës. Në krahun tjetër, Tunizia vazhdon ecurinë pa fitore në ndeshjet hapëse që nga viti 1978 dhe do të kërkojë pikët e para në përballë Japonisë.

Në ndeshjen tjetër, Bregu i Fildishtë fitoi 1-0 ndaj Ekuadorit.