Katar-Zvicër, komenti i ndeshjes

13 Qershor 2026, 20:58, Sport CNA

Kombëtarja e Zvicrës e ka nisur rrugëtimin e saj në Kupën e Botës 2026 me një barazim dramatik 1-1 përballë Katarit, në takimin e vlefshëm për Grupin B.

Ndeshja nisi mirë për helvetët, të cilët arritën të zhbllokonin rezultatin që në minutën e 17-të falë një penalltie të ekzekutuar saktë nga Breel Embolo.

Skuadra e udhëhequr nga Granit Xhaka pati disa mundësi të mira për ta dyfishuar avantazhin, por nuk u tregua e saktë para porte. Në krahun tjetër, Katari i Julen Lopeteguit nuk u dorëzua dhe, pasi rrezikoi disa herë, gjeti përmbysjen e madhe në minutat shtesë të ndeshjes, kur Boualem Khoukhi goditi saktë me kokë pas një dueli ajror.

Ky rezultat bën që të katërta skuadrat e Grupit B të jenë në baraspeshë të plotë me nga 1 pikë, teksa në xhiron pasardhëse Zvicra do të ndeshet me Bosnje-Hercegovinën, ndërsa Katari do të sfidojë vendasin e Kanadasë.

KATAR-ZVICËR 1-1

KOMENTI

Mbyllet sfida.

94’- GOOOOOL KATARI 1-1. Shtanget Zvicra në minutat shtesë. Katari gjen barazimin me anë të Khoukhi, i cili shënon me kokë.

75’- Mundësi e mirë për Zvicrën. Gjuan bukur Vargas, por e ndal portieri i Katarit.

67’- Tjetër tentativë nga Xhaka, por edhe këtë herë, gjuajtja shkon jashtë.

49’- Predhë e Granit Xhakës nga jashtë zone, por topi shkon mbi portë.

Starton fraksioni i dytë.

Mbyllet pjesa e parë.

Akordohen 6 minuta shtesë.

35’- Kombinim mes Embolo dhe Ndoye në zonë, ky i fundit provon me një gjuajtje, por nuk ka koordinatat e duhura.

17’- GOOOOOOL ZVICRA 0-1! Embolo zhbllokon takimin nga pika e bardhë. Sulmuesi tregohet i saktë dhe nis festën e helvetëve.

14’- Akordohet penallti për Zvicrën, për ndërhyrje të portierit Abunada ndaj Aebischer. Penalltia konfirmohet nga VAR.

6’- Mundësi e artë shënimi për Zvicrën. Ndoye i afrohet golit të avantazhit, por një pritje spektakolare e portierit të Katarit mban rrjetën e paprekur.

2’- Shpëton me fat Zvicra. Edmilson Junior i rrëmben topin Akanjit, por ndalet në momentin e fundit nga portieri Kobel.

1'- Starton sfida.

FORMACIONET ZYRTARE

Katari: Abunada, Miguel, Laye, Gaber, Aloui, Ahmed, Khoukhi, Madibo, Junior, Afif, Abdurisag.

Zvicra: Kobel, Elvedi, Akanji, Rodriguez, Zakaria, Freuler, Xhaka, Aebischer, Embolo, Ndoye, Vargas.