web counter
LEXO PA REKLAMA!

SHKARKO APP

App Store
Google Play

Fitore e thellë në start, SHBA merr suksesin historik

13 Qershor 2026, 09:47, Sport CNA

Fitore e thellë në start, SHBA merr suksesin historik

Kombëtarja e Shteteve të Bashkuara të Amerikës ka regjistruar një nisje pozitive në Kampionatin Botëror 2026, duke mposhtur Paraguajin me rezultatin e thellë 4-1 në ndeshjen e vlefshme për fazën e grupeve, të zhvilluar në Los Angeles.

Me këtë rezultat, amerikanët përmirësojnë bilancin e tyre në fazat e grupeve, ku numërojnë vetëm një humbje në dhjetë takimet e fundit.

Goli i parë erdhi pas një depërtimi të Kristian Pulisiç nga krahu i majtë; pasimi i tij u devijua nga Ueston Mekeni dhe u dërgua gabimisht në portën e vet nga mbrojtësi paraguajan Damian Bobadila. Amerikanët vazhduan presionin ofensiv, ndërsa Paraguaji u përpoq të përgjigjej me Enkisos. Në minutën e 28-të, një gol i Folarin Balogun u anulua për pozicion jashtë loje të Pulisic, por vetëm tre minuta më vonë, po i njëjti lojtar shënoi pas një asisti tjetër nga Pulisic, duke dyfishuar shifrat në 2-0.

Skuadra e drejtuar nga Mauricio Poçetino nuk u mjaftua me kaq dhe krijoi raste të tjera të njëpasnjëshme me anë të Riçards dhe Malik Tillman. Në sekondat e fundit të pjesës së parë, "Shqiponjat" shënuan edhe golin e tretë.

Pas një pasimi në thellësi nga Tillman, Balogun kontrolloi topin, shmangu dy mbrojtës dhe realizoi me një goditje të harkuar në trekëndësh. Ky moment shënoi një rekord historik për Shtetet e Bashkuara, pasi ishte hera e parë në historinë e tyre në një Kampionat Botëror që e mbyllnin pjesën e parë me një avantazh prej tre golash.

Në pjesën e dytë, Paraguaji u përpoq të ndryshonte rrjedhën e lojës dhe arriti të ngushtonte diferencën 17 minuta përpara përfundimit të kohës së rregullt.

Maurício, shënoi golin e parë personal me kombëtaren, duke mposhtur portierin Mat Fres. Megjithatë, në minutat shtesë, SHBA-ja vulosi rezultatin përfundimtar në 4-1 me anë të Rejnas, i cili shënoi pas një aksioni të gjatë prej 26 pasimesh rresht.

Kjo është fitorja me më shumë gola e SHBA-së në një Botëror, duke kaluar suksesin 3-0 ndaj të njëjtit kundërshtar në vitin 1930.





Lajmet e fundit nga