web counter
LEXO PA REKLAMA!

SHKARKO APP

App Store
Google Play

Gjestet e pahijshme/ Katër lojtarë rrezikojnë pezullimin, problemet te Real Madrid

27 Mars 2025, 19:53, Sport CNA

Gjestet e pahijshme/ Katër lojtarë rrezikojnë pezullimin,

Katër lojtarë të Real Madridit, përfshirë Kylian Mbappe dhe Vinicius Junior, janë nën hetim nga UEFA për shkak të një sjelljeje të dyshuar si të pahijshme gjatë ndeshjes së Ligës së Kampionëve kundër Atletico Madridit.

Lajmi është bërë i ditur nga UEFA të enjten, duke konfirmuar se është caktuar një inspektor disiplinor për të shqyrtuar incidentet e ndodhura gjatë ndeshjes së 12 marsit, e cila përfundoi me fitoren e Atleticos në kohën shtesë, por me eliminimin e tyre pas gjuajtjeve të penalltive.

Përveç Mbappe dhe Vinicius, nën hetim janë edhe mbrojtësi Antonio Rudiger dhe mesfushori Dani Ceballos. Sipas raportimeve, UEFA po shqyrton disa episode të veçanta që kanë ndodhur gjatë dhe pas ndeshjes.

Një nga rastet kryesore është gjesti i Rudiger, i cili dyshohet se ka vendosur duart rreth qafës në një mënyrë të interpretuar si kërcënuese ose provokuese. Po ashtu, Mbape është akuzuar për një gjest të pahijshëm, duke prekur organet gjenitale në një moment të tensionuar të ndeshjes.

Ndërkohë, Vinicius po hetohet për një konfrontim të mundshëm me tifozët vendas, si para fillimit të ndeshjes, ashtu edhe pas saj. Braziliani ka pasur shpesh marrëdhënie të tensionuara me tifozët e Atleticos në të kaluarën, dhe në këtë rast, duket se situata është përshkallëzuar, duke tërhequr vëmendjen e UEFA-s.





Lajmet e fundit nga