web counter
LEXO PA REKLAMA!

SHKARKO APP

App Store
Google Play

Berisha: Faktet dhe dokumentet e farsës elektorale do t'i çojmë në Senatin dhe Kongresin e SHBA-së

14 Maj 2025, 15:00, Politikë CNA

Berisha: Faktet dhe dokumentet e farsës elektorale do t'i

Kreu i Partisë Demokratike, Sali Berisha, deklaroi sot se farsa e zgjedhjeve parlamentare të 11 majit, me prova dhe dokumente do t'u dërgohet Kancelarive Europiane, Senatit dhe Kongresit të SHBA-së.

Berisha tha se PD do të bëjë një paraqitje dhe shkëmbime intensive mendimesh, dokumentesh dhe faktesh të pakundërshtueshme për këtë çështje.

Berisha shtoi se narkoregjimi i Tiranës nuk mundet kurrë të përfitojë për kohë të gjatë nga kjo masakër zgjedhore që kreu.

“Më shumë se kurrë kemi fakte dhe dokumente, më shumë se kurrë. Por fakti është se vëzhguesit ndërkombëtarë të OSBE-ODIHR për çka unë përgëzoj misionin e ambasadorit Zannieri, i cili në kushte jo të lehta, arriti në një vlerësim paraprak, në tërësi do të thosha, real. Por natyrisht me ODIHR dhe OSBE, sikundër me të gjitha kancelaritë europiane, me senatin, kongresin dhe administratën e SHBA-së, ne në mbrojtje të votës së qytetarëve shqiptarë, do të kemi paraqitje dhe shkëmbime intensive mendimesh, dokumentesh dhe faktesh të pakundërshtueshme. Narkoregjimi i Tiranës nuk mundet kurrë të përfitojë për kohë të gjatë nga kjo masakër zgjedhore që kreu”,-tha Berisha./CNA





Lajmet e fundit nga