web counter
LEXO PA REKLAMA!

SHKARKO APP

App Store
Google Play

Zgjedhjet e 11 majit/ Berisha: Asnjë fuqi politike nuk do të mund të fshehë të vërtetat e grabitjes së zgjedhjeve nga narkoregjimi i Tiranës

14 Maj 2025, 14:36, Politikë CNA

Zgjedhjet e 11 majit/ Berisha: Asnjë fuqi politike nuk do të mund

Kryetari i Partisë Demokratike, Sali Berisha, ka dalë në një konferencë me gazetarët, ku është ndalur dhe te ndalimi i vëzhguesit të PD-së në Pogradec.

Berisha tha se ndalimi i tij është një kurth i organizuar dhe ai po mbahet në burg si qëndrestar i votës.

Më tej Berisha ftoi demokratët të vazhdojnë misionin për mbrojtjen e votës së lirë.

Kreu i PD-së deklaroi se asnjë fuqi politike nuk mund të fshehë vjedhjen e zgjedhjeve nga narkoregjimi.

“Kërkoj lirimin e menjëhershëm të vëzhguesit Luan Tollozhina. E gjithë ngjarja një kurth policesk, i organizuar kundër tij. Mbahet në burg vetëm si qëndrestar dhe mbrojtës i votës.

Ftoj demokratët dhe mbarë opozitarët të vazhdojmë këtë mision si misionin e të gjitha misioneve të një opozite, mbrojtjen dhe rikthimin e votës së lirë. Asnjë fuqi politike nuk do të mund të fshehë të vërtetat e grabitjes së zgjedhjeve nga narkoregjimi i Tiranës. Ata të cilët injorojnë se këto zgjedhje u grabitën në mënyrat më kriminale dhe antidemokratike, do të zhgënjehen më vonë kur ne të kemi faktuar para çdo shqiptari dhe në çdo kryeqytet të Europës dhe botës shëmtinë e kësaj farse elektorale”, tha Berisha./ CNA





Lajmet e fundit nga