web counter
LEXO PA REKLAMA!

SHKARKO APP

App Store
Google Play

E fundit!

x

Vrasja e Valter Fjerzës në Shkodër/ Policia arreston një tjetër bashkëpunëtor

8 Dhjetor 2024, 10:50, Kronika CNA

Vrasja e Valter Fjerzës në Shkodër/ Policia arreston një

Policia e Shkodrës ka arrestuar një 22-vjeçar të dyshuar dhe akuzuar si mbështetës të autorit të vrasjes së Valter Fjerzës, ngjarje e ndodhur në shtator të vitit 2023.

22-vjeçari me iniciale A.M. u lokalizua nga forcat “Shqiponja” dhe me vete kishte edhe një mjet prerës. 

"Kapet një tjetër bashkëpunëtor i autorit të vrasjes së shtetasit V.F, ndodhur në shtator 2023.

Operacioni nga Forca e Posaçme Shqiponjat .

Në vijim të kontrolleve për kapjen e shtetasve të shpallur në kërkim, bazuar dhe në inteligjencën policore për një shtetas në kërkim që qarkullonte me automjet në rrugë në fshatin Dobraç, menjëherë shërbimet e Forcës së Posaçme “Shqiponja”, organizuan punën dhe si rezultat kapën e ndaluan shtetasin A. M., 22 vjeç, banues në fshatin Hot i Ri.

Gjykata e Shkallës së Parë e Juridiksionit të Përgjithshëm Shkodër ka caktuar ndaj 21 vjeçarit masën e sigurisë “Arrest në burg”, për veprat penale “Moskallëzimi i krimit”, “Përkrahja e autorit të krimit”, dhe “Prodhimi dhe shitja e narkotikëve”

22-vjeçari ishte shpallur në kërkim i dyshuar si bashkëpunëtor në lidhje me ngjarjen e ndodhur më 21.09.2023, në fshatin Hot i Ri, ku për shkak të një konflikti të çastit, jashtë një lokali, mbeti i vrarë me armë zjarri shtetasi V.F.

Në cilësinë e provës materiale është sekuestruar një mjet prerës (thikë) që e kishte me vete.

Materialet procedurale i kaluan Prokurorisë, për veprime të mëtejshme."/CNA

 





Lajmet e fundit nga