web counter
LEXO PA REKLAMA!

SHKARKO APP

App Store
Google Play

E fundit!

x

Alibej rrëfehet, si tentuan t’i ngecnin Bujar Çelës vrasjen e Emiliano Ramazanit

17 Qershor 2025, 12:51, Kronika CNA

Alibej rrëfehet, si tentuan t’i ngecnin Bujar Çelës

Erion Alibej, i penduari i drejtësisë ka vijuar me dëshminë në GJKKO.

Ai ka rrëfyer se vrasjen e Emiljano Ramazanit, që u krye në 20 korrik të vitit 2020 kanë tentuar t’ia ngecnin  vëllait të Talo Çelës, Bujar Çelës (i ekzekutuar më 17 Shtator 2020).

Ai tregoi në dëshminë e tij se së bashku me Nuredin Dumanin planifikuan që armën e krimit ta groposnin tek shtëpia e Bujar Çelës, por nuk arritën dot të realizonin krimin.

“Bujar Çela është vëllai i Talo Çelës, njeriu më i afërt i Talos. Ka qenë taksist. Pas vrasjes së Emiliano Ramazanit, diskutova me Nuredinin, që armën e krimit ta vendosnim tek shtëpia e Bujar Çelës. E dija ku e kishte shtëpinë. Unë kisha informator Xhuliano Hoxhën.

Bujar Çela kishte një pikë shumice afër shtëpisë. Përmes Xhuliano Hoxhës deshëm të gjejmë diçka që Bujari e kishte prekur me dorë, një qese, apo diçka. Doja që në të të fusnim armën e krimit dhe ta groposnim tek shtëpia. Më pas do sinjalizoja policinë përmes Leonard Palushit.

Nuk e arritëm dot këtë dhe diskutuam, që duke qenë njeri i afërt i Talos, por edhe pse përmes taksisë bënte punë e lëvizje për Talo Çelën, vendosëm ta ekzekutonim.

Si fillim u angazhua nipi, që i referohem Skerdi Tases dhe kushos, që i referohem Henrik Hoxhajt. U angazhua kusho me nipçen për ta ekzekutuar”, tha ai./ CNA





Lajmet e fundit nga