web counter
LEXO PA REKLAMA!

SHKARKO APP

App Store
Google Play

E fundit!

x

Referendumi për drejtësinë/ Prokurorët festojnë rezultatet e para, reagon Giorgia Meloni

23 Mars 2026, 19:26, Kosova & Bota CNA

Referendumi për drejtësinë/ Prokurorët festojnë

Prokurorë dhe përfaqësues të sistemit të drejtësisë në Itali kanë reaguar pas publikimit të rezultateve të para të referendumit për reformën në drejtësi, ku kampi kundër ndryshimeve ka dalë në avantazh.

Mes këngës simbolike “Bella Ciao” dhe momenteve të forta emocionale, figura të njohura të drejtësisë janë shfaqur duke festuar rezultatin paraprak.

Referendumi për drejtësinë në Itali ka prodhuar një rezultat të qartë paraprak, ku “Jo”-ja kryeson me rreth 55% të votave, duke refuzuar ndërhyrjet e propozuara në sistemin e drejtësisë.

Pas publikimit të këtyre rezultateve ka ardhur edhe reagimi i kryeministres së vendit, Giorgia Meloni. Në një videomesazh të shpërndarë në rrjetet sociale, ajo theksoi se qeveria do të respektojë plotësisht vullnetin e qytetarëve duke vijuar angazhimin e saj politik, për stabilitetin dhe vazhdimësinë e qeverisjes.

“Italianët kanë vendosur. Dhe ne e respektojmë këtë vendim. Do të ecim përpara, siç kemi bërë gjithmonë, me përgjegjësi, vendosmëri dhe respekt ndaj popullit italian dhe Italisë”, u shpreh Meloni.

 
 
 
 
 
View this post on Instagram
 
 
 
 
 
 
 
 
 
 
 

A post shared by Giorgia Meloni (@giorgiameloni)

Deklarata e saj erdhi menjëherë pas konfirmimit të trendit të rezultatit, i cili shënon një fitore për kampin kundër reformës në drejtësi.

Sipas agjencisë italiane të lajmeve, ANSA, që bazohet te televizioni shtetëror italian, RAI, nga pothuajse një e treta e qendrave të votimit të numëruara, 54,42 për qind e votuesve  kanë votuar “Jo” dhe 45,58 për qind kanë votuar ”Po”.

Këto rezultate bazohen në numërimin e votave nga më shumë se 17 000 nga 61 533 qendrat e votimit. Një humbje në referendum do të ishte një goditje e madhe për Melonin, e cila ka udhëhequr një qeveri koalicioni jashtëzakonisht të qëndrueshme që nga tetori i vitit 2022. /CNA





Lajmet e fundit nga