E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Rreziku nga Rusia dhe Ukraina/ Mediu zbardh detaje nga Forumi i organizuar në SHBA

4 Shkurt 2023, 14:21, Aktualitet CNA

Rreziku nga Rusia dhe Ukraina/ Mediu zbardh detaje nga Forumi i organizuar
Kreu i PR-së, Fatmir Mediu, ka publikuar disa pamje nga forumi i organizuar nga ai në bashkëpunim me kongresmenët Pete Sessions dhe Robert Aderholt, ku tema që u diskutua ishte “Shmangia e një konflikti të mundshëm në Ballkan, si dhe kundërbalancimi i agresionit Rus dhe ndërhyrjes së Kinës”.

Mediu theksoi gjatë forumit problemet dhe tensionet në Ballkan, si dhe mundësinë e një konflikti të mundshëm të sponsorizuar nga Rusia për tërheqjen e vëmendjes nga ai në Ukrainë.

Ndër problemet e theksuara sikur me situatën ishin shpenzimet luftarake të Serbisë në bashkëpunim me Rusinë e Kinën e te situata e tensionuar në Bosnje dhe në Veri të Kosovës e Mal të Zi.

Më tej lidhur me rreziqet e brendshme nga të cilat rrezikohet Ballkani, Mediu theksoi rritjen e autoritarizmit, krimit të organizuar dhe korrupsionit, rritjen e varfërisë apo dhe largimin masiv të të rinjve.

"Shmangia e një konflikti të mundshëm në Ballkan, si dhe kundërbalancimi i agresionit rus dhe ndërhyrjes së Kinës” ishte tema që u diskutua në forumin e sigurisë në Kongresin Amerikan.

Ky forum u organizua nga z.Mediu në bashkëpunim me Kongresmenët Pete Sessions dhe Robert Aderholt.
Në këtë takim morën pjesë disa përfaqësues të Kongresit Amerikan. Deputetë dhe Ministra nga rreth 20 vende të Europës si dhe autoritete nga Departamenti i Mbrojtjes dhe Këshilli i Sigurisë kombëtare.

Në takim z.Mediu theksoi - "Problemet dhe tensionet e vazhdueshme në Ballkan, mundësinë e një konflikti të mundshëm të sponsorizuar nga Rusia për të tërhequr vëmendjen nga konflikti në Ukrainë, shpenzimet luftarake pa kufi të Serbisë në bashkëpunim me Rusinë dhe Kinën, situata në Bosnjë, dhe veçanërisht kërkesa e Republika Sërbska për shkëputje nga Federata e BiH.

Tensionet e qëllimshme në Veri të Kosovës me shenja të agresionit ushtarak të Serbisë dhe bllokimi i dialogut.

Tensionet fetare dhe politike në Malin e Zi.

Prezenca e fuqishme ekonomike e Kinës në sektorë kritikë që lidhen me sigurinë kombëtare dhe teknologjinë.

Z. Mediu theksoi gjithashtu se Ballkani rrezikohet dhe nga zhvillimet e brendshme:

"Rritja e autoritarizmit, krimi i organizuar dhe korrupsioni, rritja e varfërisë dhe largimi masiv i të rinjve dhe të rejave, duke krijuar një problem të rëndë sa politik edhe social.

Kongresmenët shprehën mbështetjen e tyre për të ndihmuar Ukrainën dhe mposhtur regjimin e Putinit.

Pothuaj në çdo vend tashmë Kina është kthyer në kërcënim për lirinë dhe të drejtat e shtetasve tanë.

Delagacioni i kuvendit të Shqipërisë përfaqësohej, nga deputetët Gjiknuri: Cupi dhe Gjylameti.

Në këtë takim u ra dakord që të punohej për një legjislacion konkret që të bëjë një vlerësim të investimeve të huaja që cenojnë sigurinë kombëtare.

Ndërtimin e një strukture të koordinuar për vlerësimin e çështjeve të sigurisë"./CNA.al