web counter
LEXO PA REKLAMA!

SHKARKO APP

App Store
Google Play

E fundit!

x

Gjenerali i NATO-s, vizitë lamtumire në Shqipëri/ Peleshi: Rol të rëndësishëm në modernizimin e FA

25 Maj 2022, 15:35, Politikë CNA

Ministri i Mbrojtjes, Niko Peleshi, priti në një takim lamtumire Komandantin Suprem të Fuqive Aleate në Europë, Gjeneral Tod Wolters.

Peleshi falënderoi Wolters për kontributin dhe përkushtimin e tij, jo vetëm gjatë periudhës 3-vjeçare si Komandant Suprem i Fuqive Aleate në Europë, por edhe për sakrificat dhe dedikimin, përgjatë gjithë karrierës së tij të spikatur 40-vjeçare, karrierë e mbyllur me sukses në detyrën ndoshta më të lartë për një ushtarak.

Më tej, ministri u ndal te roli që Gjeneral Wolters ka luajtur në mbështetje të Forcave të Armatosura të RSH, në kuadër të modernizimit të tyre, rritjes së kapaciteteve operacionale dhe ndërveprueshmërisë. Shembulli konkret i kësaj mbështetjeje dhe vëmendjeje, ishte zhvillimi në vendin tonë i stërvitjes “Defender Europe 21”, të cilën Gjeneral Wolters pati rastin ta inspektojë nga afër, por dhe për zhvillimin e projektit të NATO-s për modernizimin e bazës ajrore të Kuçovës.

Nga ana tjetër, Wolters falënderoi ministrin dhe u ndal në transformimin e vendit tonë në tërësi dhe në veçanti, në standardet më të larta që ushtarakët shqiptarë demonstrojnë në çdo angazhim të Aleancës, por edhe në kuadrin dypalësh me homologët e tyre të SHBA-së. Ai tha se është krenar që ka punuar ngushtësisht me një vend i cili vërtet është i vogël gjeografikisht, por është një vend me vlera dhe orientim perëndimor dhe një aleat i vyer i Aleancës dhe SHBA-së në veçanti.

Në fund të takimit, ministri Peleshi e uroi Gjeneralin Wolters për përmbylljen me nder dhe sukses të karrierës së tij. Në 3 vitet e fundit, kjo është vizita e tretë e Gjeneralit Wolters në vendin tonë, çka, sipas ministrit dëshmon se ai është dhe do të mbetet një mik i madh i Shqipërisë dhe Forcave të saj të Armatosura./ CNA.al





Lajmet e fundit nga