web counter
LEXO PA REKLAMA!

SHKARKO APP

App Store
Google Play

E fundit!

x

Reja projekton formacionin ndaj Polonisë, ja ndryshimet që priten

11 Tetor 2021, 07:55, Sport CNA

Shqipëria luan të martën ndaj Polonisë dhe Reja duhet t?i bëjë llogaritë pa Gjimshitin, i cili është një nga lojtarët më të mirë që kemi. Por, cili mund ta zëvendësojë mbrojtësin? U pa që në fushë hyri Veseli. Mbrojtësi nuk ka minuta në këmbët e tij, po përsëri Reja i besoi ndaj Hungarisë dhe me shumë mundësi mund të jetë ai që do të luajë por alternativë është edhe Enea Mihaj. Pjesa tjetër e mbrojtjes mendohet që të jetë po ajo: Kumbulla, Ismajli, Hysaj dhe Trashi.

Në mesfushë mungon Çekiçi për shkak kartonësh dhe titullar pritet që të jetë Bajrami. Fantazisti u aktivizua në pjesën e dytë ndaj Hungarisëdhe i dha një tjetër fytyrë sulmit. Bare dhe Gjasula me shumë mundësi nuk do të ndryshohen. Sa i përket sulmit, Broja e ka futur në dilemë Rejën pasi në pak minuta të luajtura është bërë vendimtar.

Pas ndeshjes, trajneri Reja deklaroi që të gjithë lojtarët janë titullarë dhe do t?i  shërbejnë skuadrës kur ka nevojë. Kjo lë të mendohet që Broja është kthyer në një armë për Rejën, i cili kërkon që të shfrytëzojë shpejtësinë e tij në pjesën e dytë ku kundërshtari është lodhur. Titullarë në sulm pritet që të jenë sërish Uzuni dhe Cikalleshi.





Lajmet e fundit nga