web counter
LEXO PA REKLAMA!

SHKARKO APP

App Store
Google Play

E fundit!

x

“Thumbon” Bylykbashi/ "Politika jonë, ku interesi personal vret interesin publik"

26 Shtator 2021, 11:57, Politikë CNA

?Reformat nuk zhvillohen kurrë të shëndetshme, nëse ka përplasje, e aq më pak kur nuk ka kthjelltësi të brendshme?, -ky është mesazhi që deputeti i PD-së, Oerd Bylykbashi ka përcjellë në rrjete sociale,  si për të nënkuptuar përplasjet e mëdha që ndodhën ditën e djeshme në mbledhjen e zhvilluar nga grupi demokratik, të cilat sollën pakënaqësi tek anëtarët.

Ai shprehet se nëse reformat bëhen si të tilla, në fakt ato nuk janë reforma, por veçse ?panem et circenses? apo ?bukë dhe cirk?, që i hidhen publikut.

?Në Romën antike, atë republikane dhe atë perandorake, për të qetësuar shpirtin e njerëzve nga tensionet apo hallet, shpesh shpërndahej grurë me çmim më të lirë se tregu apo organizoheshin lojra apo ndeshje të përgjakshme gladiatorësh. Mbi 60 mijë vetë mblidheshin në Colosseum dhe brohorotnin ndërkohë që harronin hallet e vërteta?,- ?thumbon? Bylykbashi.

Ai mbyll statusin e tij duke theksuar se nuk hidhen reformat në treg shpejt e shpejt për konsum të momentit politik, sepse përfundojnë në dizastër me pasoja afatgjata.

?Reforma e sistemit zgjedhor për të ndryshuar sistemin e njëanshëm dhe antikushtetues të 30 korrikut 2020 duhet të jetë reforma ?maestra?, e para mes të tjerave në prioritet. Pas saj, për nga rëndësia, vjen reforma territoriale, por pas saj. Njëkohshëm me territorialen duhet bërë reforma zgjedhore. Nëse ka gjë tjetër, duhet të mbajë radhën si prioritet politik. Sigurisht mund të bëhen në të njëjtën kohë që të shmangen lojërat. Ama jane të gjitha të mëdha, kërkojnë vendime strategjike, konsultime, ekspertizë e mbi të gjitha, konsensus. Nuk hidhen reformat në treg shpejt e shpejt për konsum të momentit politik, sepse përfundojnë në dizastër me pasoja afatgjata.

Përndryshe, siç thumbonte poeti satirik latin Giovenale, nuk janë reforma por veçse ?panem et circenses? apo ?bukë dhe cirk? që i hidhen publikut në këtë shëmbëlltyrën e deformuar e të shëmtuar të Colosseum që është kjo politika jonë ku interesi personal ka vrarë rregullisht në arenë interesin publik. ?, shkruan Bylykbashi.

Kujtojmë se ditën e djeshme, në mbledhjen e grupit të Partisë Demokratike, pati përplasje të mëdha mes kreut të PD-së dhe disa nga anëtarëve, të cilët shprehën pakënaqësitë e tyre kundër vendimeve të fundit të Bashës, e kryesisht atë për largimin e ish-kryeministrit Berisha./CNA.al





Lajmet e fundit nga