E fundit!

08:16 Ekonomi

Izolimi rajonal, 22% e qytetarëve të Ballkanit nuk udhëtojnë fare te fqinjët

Pavarësisht përpjekjeve shumëvjeçare për bashkëpunim rajon...

Investigimi i “Stop”/ Gjykata i kthen tokën Spitalit të Traumës që u fitua pas falsifikimit të dokumenteve

28 Qershor 2021, 20:13, Denoncim CNA

Para 1 viti e gjysmë ?Stop? investigoi rastin e përvetësimit të 21 mijë metër katror tokë të Spitalit të Traumës në Tiranë, duke falsifikuar dokumentet e Vendimit të Komisionit të Pronave. Në atë kohë një qytetarë që ka qenë pjesë e administratë publike ka treguar të gjithë historinë se si u përvetësuan pronat shtetërore.

?Unë jam një ish-punonjës i administratës publike. Kam ardhur tek emisioni juaj për të denoncuar një rast të vjedhjes së pronës shtetërore. Në vitin 2000, me vendim nr.232, Agjencia e Kthimit dhe Kompensimit të Pronave disa trashëgimtarëve iu dha pronën që ju takonte që i kishin dhe sipas ligjit objektet që ishin tokën e tyre iu dha e drejta që me t?u privatizuar, këta do ishin të parët që do ta blinin konform çmimeve ekzistuese.

Marr vesh më vonë që po ky vendim e ka ndryshuar një pjesë të vendimit duke hequr paragrafin e të së drejtës së privatizimit duke e kaluar komplet në pronësinë e tyre. Bëhet fjalë për qytetin e Tiranës tek Spitali Ushtarak, dhe një pjesë e kësaj prone është e spitalit edhe e kaluar në emër të tyre, në një kohë që vendimi origjinal e ka pasur që me rastin e privatizimit këta do jenë të parët që do ta blejnë?, ka qenë ky rrethimi i denoncuesit.

?Stop? në atë kohë arriti që të gjente dhe disa dokumente origjinale për pronën tek Spitali i Traumës që vërtetonin se ato ishin falsifikua. Por tashmë për këtë çështje ka zhvillime të reja në Prokurorinë e Tiranës, pasi prokurori Ervin Karanxha ka nisur hetimet.

?Kemi zhvillime, personat e akuzuar për veprën penale ?Pastrimi i produkteve të veprës penale? janë dërguar për gjykim. Janë sekuestruar këto prona dhe deri kur të kemi një vendim nga gjykata këto prona do të jenë të sekuestruara?, është ky reagimi i prokurorit Karanxha.

Tashmë prona i është kthyer Spitalit Ushtarak dhe prokurori Karanxha dhe gjyqtari Altin Abdiu kanë nxjerrë urdhra arresti për falsifikatorët dhe kanë bërë asgjësimin e dokumentit të falsifikuar./tvklan.al