web counter
LEXO PA REKLAMA!

SHKARKO APP

App Store
Google Play

E fundit!

x

Marrëdhënia Serbi - Kosovë/ Maas: Të shtojnë përpjekjet për normalizim

23 Prill 2021, 12:02, Kosova & Bota CNA

Gjermania u bëri thirrje Serbisë dhe Kosovës për më shumë përpjekje në bisedimet për normalizimin e marrëdhënieve ndërmjet tyre, më shumë se 20 vjet që nga përfundimi i luftës.

Ministri i jashtëm gjerman, Heiko Mass tha të premten në Beograd pas takimit me presidentin ne Serbisë, Aleksandër Vuçiç se ?është koha për të vazhduar procesin e normalizimit?, ndërmjet të dyja vendeve që aspirojnë integrimet evropiane.

“Është e rëndësishme të mos zhvillohen këto bisedime vetëm për hir të bisedimeve, por duhet të ketë rezultate. Gjermania është e gatshme të ndihmojë në këtë drejtim” tha ministri Mass.

Presidenti serb tha se Serbia është e gatshme për vazhdim të bisedimeve në kërkim të një kompromisi me Prishtinën.

“Serbia nuk po kërkon një shkas për të mos arritur një kompromis. Ajo beson se një konflikt i ngrirë nuk është zgjidhja më e mirë, sepse dikush gjithmonë mund ta shkrijë atë”, tha presidenti Vuçiç, sipas të cilit përmirësimi i marrëdhënieve ndërmjet serbëve dhe shqiptarëve është me rëndësi për një të ardhme të sigurt, sepse ?është e qartë se serbët dhe shqiptarët do të jenë popujt më të mëdhenj në rajon në 100 vitet e ardhshme?.

Shefi i diplomacisë gjermane, qëndroi të premten në Beograd pas vizitës së të enjtes në Kosovë në një përpjekje për të nxitur palët që të rifillojnë procesin e bisedimeve për normalizimin e marrëdhënieve ndërmjet tyre.

Të enjten ai tha në Prishtinë se idetë e hedhura kohëve të fundit që çështjet sociale dhe politike në Ballkan mund të zgjidhen me vizatim të vijave në harta, janë jo vetëm jo realiste por edhe tejet të rrezikshme.

Debatet rreth kufijve ringritën pas shkrimeve në mediet kroate e boshnjake për një dokument joformal me siç thuhet, propozimin për ndryshimin e kufijve ne Ballkan. Sipas tyre një dokument i tillë i hartuar nga kryeministri i Sllovenisë, Janez Jansha, në të propozohet ripërcaktimi i kufijve në Ballkanin Perëndimor si zgjidhje për problemet e hapura në rajon.

Në Bashkimin Evropian thanë disa herë se nuk kanë njohuri për një dokument të tillë, ndërsa kryeministri slloven, Janez Jansha, vendi i të cilit do të kryesojë Bashkimin Evropian në pjesën e dytë të këtij viti, shkroi se pretendimet për një dokument të tillë janë veprime që synojnë ?të dëmtojnë Slloveninë në BE?.

Të premten ministri i Jashtëm i Maqedonisë së Veriut, Bujar Osmani, tha pas një takimi me ministren e Jashtme të Kosovës, Donika Gërvalla Sllovenia është një mike e rajonit dhe mbështetëse e integrimit të Ballkanit Perëndimor.

?Qëndrimi jonë ka qenë i prerë se në Ballkan janë përdorur shumë modele në trajtimin e çështjeve etnike, janë disa modele që deri më tani janë treguar të suksesshme dhe unë mendoj që marrëveshja e Ohrit, pavarësia e Kosovës, perspektiva euro-atlantike e rajonit janë treguar si modele të suksesshme në rajon dhe mendojmë që alternative e vetme për paqe të qëndrueshme është zgjerimi i NATO-s më tutje në rajon dhe integrimi i tërë rajonit në Bashkimin Evropian?, tha ministri Osmani.

Ministrja Gërvalla tha se vetëm përmendja e ideve të tilla është tepër e rrezikshme për rajonin.

?Për ne është shumë e qartë, nuk është asnjë opsion ajo se çfarë shkruhet në letra të tilla pavarësisht ku janë autorët, pavarësisht se a janë menduar si teza për t?u diskutuar apo implementuar. Edhe njëherë, shumë i qartë është qëndrimi ynë që e shohim të rrezikshëm dhe do të duhet që të gjitha palët të jenë shumë të kujdesshme sepse ne këtë formë cyten konflikte të reja të cilat për rajonin tona janë krejtësisht të panevojshme?, tha ministrja Gërvalla.

Procesi i bisedimeve Kosovë ? Serbi mund të rifillojë muajin e ardhshëm, kur Bashkimi Evropian shpreson që të organizojë takimin e parë ndërmjet kryeministrit të Kosovës Albin Kurti dhe presidentit të Serbisë, Aleksandër Vuçiç. Këtyre përpjekjeve javën që vjen do t?i paraprijnë vizitat e ndara të të dy zyrtarëve të lartë në Bruksel. VOA





Lajmet e fundit nga