web counter
LEXO PA REKLAMA!

SHKARKO APP

App Store
Google Play

E fundit!

x

E papritur/ Klubi gjerman përjashton Gjasulën

27 Tetor 2020, 19:05, Sport CNA

Jurgen Gjasula mund të jetë shumë pranë fundit të një tjetër aventure në karrierën e tij. Ish-mesfushori i përfaqësueses shqiptare, vëllai i madh i mesfushorit aktual të kuqezinjve, Klaus Gjasulës, duket se do të nisë kërkimin për një skuadër të re, pasi klubi aktual, Magdeburg, e ka përjashtuar atë.

Ka qenë vetë trejneri i skuadrës që militon në ligën e tretë gjermane, Tomas Hosmang, ai që ka shpjeguar situatën aktuale. ?Kemi vendosur të largojmë nga stërvitja Gjasulën dhe Bertam. Ky është në vendim i cili është marrë në bashkëpunim me stafin drejtues të skuadrës?, tha trajneri sot pas stërvitjes. Sipas klubit, lojtarët janë përjashtuar për një periudhë pa afat nga aktivitetet e skuadrës së pare.

Sipas mediave gjermane, kjo është përpjekja e Magdeburg për të sjellë një ndryshim me një projekt të rinjsh, në një vit ku ekipi ka vështirësi të mëdha për të siguruar rezultate sportive dhe gjendet në zonën e ftohtë të klasifikimit të kampionatit. Megjithatë, ka dyshime se dy lojtarët kanë pasur sjellje të papërshtatshme gjatë stërvitjes dhe kjo është arsyeja pse u mor një vendim kaq drastik që gjithsesi pritet të sjellë largimin e tyre nga skuadra gjatë merkatos së janarit.





Lajmet e fundit nga