web counter
LEXO PA REKLAMA!

SHKARKO APP

App Store
Google Play

E fundit!

x

Thirrjet nacionaliste të nënës së Katsifas/ Ngjela: Përbëjnë vepër penale, kudo në botë do shkonte në burg

28 Tetor 2019, 22:44, Politikë CNA

Ka vijuar debati në studion e emisionit “360 gradë” në RTV Ora, teksa temë e bisedës ka qenë përvjetori i vrasjes së nacionalistit Kostandin Kacifas.

Ndërsa historiania Elena Kocaqi është shprehur se deklaratat e nënës së Katsifas përbëjnë vepër penale, edhe për avokatin Spartak Ngjela, ato janë të dënueshme dhe në cilindo vend tjetër të botës nëna e Kacifasit do të ishte në burg.

Kujtojmë se gjatë përvjetorit të Katsifas, e ëma e tij ka vijuar me thirrjet nacionaliste për luftë, duke u shprehur: ?Çojuni trima, rrëmbeni tokën, jemi grekë autoktonë. Vorio-epiri është tokë greke, nuk na ndalon asgjë. Ju të gjithë të rinjtë, çohuni rrëmbeni shpatat dhe armët, mos kini frikë asgjë, se këta po na frikësojnë, këtu ka diktaturë nuk ka shtet, rrëmbeni bombat, rrëmbeni pushkët. Rroftë bashkimi.  Jam krenare për ty biri im.”

Pjesë nga debati në studio:

Elena Kocaqi: Dje deklaratat e të ëmës janë vepra penale, thirrje për luftë, thirrje për cenimin integritetit të Shqipërisë, thirrje për vrasje etj. Këto janë thirrje publike që i parashikon kodi penal dhe minimumi shkon në 10 vjet burg.

Spartak Ngjela: Ajo në çdo vend të botës do shkonte në burg.

Artur Zheji: Një nënë e dëshpëruar ka humbur djalin

Spartak Ngjela: E ndjek ti, ajo thotë ka qenë çlirimtar. Është politika agresive e tyre në hall, ku ka kishë greke. Kisha greke është e gjitha me agjentë të policisë. 70% e kanë trashëgim nga Rusia.  Të rrinë mirë se po forcohet Shqipëria. Është me aleat Shqipëria./CNA.al





Lajmet e fundit nga