web counter
LEXO PA REKLAMA!

SHKARKO APP

App Store
Google Play

Elvana Gjata “molla e sherrit” në ish-Bllok?/ Moderatori i njohur: Ervin Matën e njoh prej 17 vitesh

8 Tetor 2018, 07:25, Aktualitet CNA

Vijon të shkaktojë shumë bujë në media, ngjarja e rëndë e ndodhur mbrëmjen e së enjtes në ish-Bllok në Tiranë, ku mbeti i vrarë 26-vjeçari Fabion Gaxha, truproja i Ervis Martinajt, ndërsa ky i fundit bashkë me mikun e tij Eljon Hato mbetën të plagosur dhe janë jashtë rrezikut për jetën.

Pas disa orësh, pista kryesore e hetimit u përqendrua te një sherr mes palës së Martinajt dhe biznesmenit të njohur Ervin Mata për të dashurën e tij, këngëtaren e njohur Elvana Gjata.

Kjo ngjarje hapi shumë debate në media, ndërsa sot moderatori i ?Kafein?, Flavio Qarri, deklaroi se biznesmenin Mata e njeh prej shumë vitesh.

?Ervin Matën kam 17 vite që e njoh, por nga ana tjetër kam 15 vite pa e parë?, u shpreh moderatori, ndërsa pyeste të ftuarën e tij Etleva Delia, gazetaren e kronikës së zezë, për të shkuarën e Matës.

Deri tani, policia nuk e ka cilësuar si një person me të shkuar kriminale dhe me precedent. Ai nuk rezulton një person problematik në skanerin e policisë, apo të jetë i dyshuar për ndonjë vepër penale.

Aktualisht, Mata bashkë me Meviol Bilon, komandon e njohur si një nga qitësit më të mirë shqiptar, janë shpallur në kërkim. Ky i fundit akuzohet edhe si autori që qëlloi për vdekje të riun dhe plagosi dy të tjerët.

Nga ana tjetër, mësohet se pas ngjarjes, këngëtarja Gjata është larguar nga Shqipëria përmes aeroportit të Rinasit drejt një vendi të Bashkimit Evropian.





Lajmet e fundit nga