E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Detajet e takimit tre ditor/ Nga lakrori me dy petë, dhe dëshira e Nikos Kotzias për të punuar si profesor në Korçë

22 Janar 2018, 08:40, Aktualitet CNA

Për 3 ditë me radhë dy ministrat e Jashtëm të Shqipërisë e Greqisë, Ditmir Bushati e Nikos Kotzias kanë negociuar për problemet mes dy vendeve, disa prej të cilave datojnë dhjetëra vite më parë.

Në Korçë, dy delegacionet janë ulur përballe njëri tjetrit me orë të tëra për të gjetur zgjidhje për problematika që prekin nga patentat e pensionet e shtrihen deri tek heqja e ligjit të luftës apo përcaktimi i kufirit detar: Nikos Kotzias me një gotë coca cola përpara e Ditmir Bushati me një gotë ujë me limon.

Sa herë që kishte një qasje apo këndvështrim te ri, delegacionet respektive ngjiteshin një kat me lart në hotelin ku u mblodhën, për të shqyrtuar dosjet në dhoma të veçanta, këtu pala greke e këtu pala shqiptare.

Por nëse pak informacion mbërriti deri tek mediat per negociatat shqiptaro ?greke: ishte më e thjeshtë për të mësuar e kuptuar përshtypjet e shefit të diplomacisë greke Kotzias për Korçën.

Mbrëmjen e së premtes Kotzias vendosi të ecë ne këmbë për të njohur më mirë qytetin.

?Duke përfituar edhe nga fakti që një pjesë e madhe e delegacionit grek nuk kishte qenë ndonjëherë, pra e kishin herën e parë që vizitonin qytetin e Korçës, unë u përpoqa t?ju shpjegoja shkurtimisht se çfarë përfaqëson Korça; një nga qendrat më të rëndësishme historiko-kulturore të vendit?, shprehet kryebashkiaku Sotiraq Filo, për Vizion Plus.

Restoranti dhe menuja u përzgjodhën që të përfaqësonin traditat më të mira të zonës, pikërisht tek ?Pazari i Vjetër?

?Menuja ishte e larmishme, kryesisht gatime tradicionale ku përfshihej lakrori me dy petë, salca e fshatit, kërnacka, petulla të fshira.

-Te shoqëruara me cfare pijesh?

?Verë e zonës, raki e pjekur. Gjithashtu shoqërohej me serenatë korçare, me një grup me kitarë dhe atmosfera në sfond, ishte shumë e kënaqshme.

-U kënduan vetem kënge korçare apo edhe greke?

-U kënduan edhe disa këngë greke, normalisht për t?u bërë qejfin të dy palëve; edhe shqiptarëve edhe grekëve.?

Dhe pas 3 ditësh qëndrimi në Korçë, Kotzias si profesor kishte edhe një kërkesë.

?Do të kisha shumë dëshirë që të vija e të jepja mësim në qytetin e Korçës, tha ai, pasi Kotzias është profesor në universitetin e Athinës?, tregon Sotiraq Filo.

Por përveç masave të shtuara të sigurisë, për qytetarët e Korçës vizita e ministrit grek nuk e ndryshoi rutinën e kësaj fundjave, edhe pse historia e marrëdhënieve greko shqiptare i bën kuriozë për rezultatin e bisedimeve.

Në mesditen e së dielës, Kotzias u larguar nga Korça, por ndoshta ky qytet do të jetë vendi ku do të zhvillohet takimi mes kryeministrit grek Cipras e atij shqiptar Edi Rama.