web counter
LEXO PA REKLAMA!

SHKARKO APP

App Store
Google Play

Të dehur dhe me shpejtësi/ Policia gjobit disa drejtues mjetesh

14 Janar 2018, 11:44, Aktualitet CNA

Vijon aksioni i policisë për ndëshkimin e drejtuesve të mjeteve të cilët thyejnë rregullat e qarkullimit rrugor.

Bëhet e ditur se më shumë se 100 shoferë janë gjobitur për shpejtësi dhe alkool mbrëmjen e djeshme në kryeqytet.

Mes personave që janë gjobitur është edhe një shofer i dehur, i cili ka pranuar se kishte konsumuar alkool.

Polici: 0.24 mg/l. Do të tërhiqet leja e drejtimit. Ke pirë më shumë se sa lejohet. Mos lëviz nga mjeti të lutem.

Ndërkohë në kryeqytet prej disa muajsh po kryhen kontrolle me radarë në rrugët brenda Tiranës. Në rrugën e Kavajës, policia ka zbuluar disa shoferë që ecnin me shpejtësi, pavarisht se tabela lejon deri në 40 km/orë.

Polici: Distanca është 120.8 metra, është në shkrepjen e tretë me këtë.

Polici: Ishte 85 km/ orë, 86 dhe 94 ka arritur në fund.

Polici: Proceduar dy herë për pezullim të lejes së drejtimit dhe vazhdon prap ky…..

Edhe mbrëmjen e së dielës Policia do të vijojë kontrollet me radarë dhe aparat dragger për alkoolin. Policia e Tiranës thotë se shoferët janë ndërgjegjësuar falë masave të marra muajt e fundit, por ka ende nga ata drejtues mjetesh që vazhdojnë të shkelin Kodin Rrugor. /CityNews





Lajmet e fundit nga