web counter
LEXO PA REKLAMA!

SHKARKO APP

App Store
Google Play

Porti i Ankonës në vend të parë për dokumente false e klandestinë të ardhur nga Shqipëria

13 Janar 2018, 14:22, Aktualitet CNA

Shefi i policisë detare të Portit të Ankonës (Polmar) Stefano Santilioni dhe shefja e DIGOS-it (policisë antiterror) të Ankonës, Margherita Furcolo në një konferencë për shtyp theksuan faktin, që Porti i Ankonës zë vendin e parë në Itali për numrin e klandestinëve të kapur gjatë vitit 2017.

Në Ankona numri më i madh i klandestinëve dhe sasitë më të mëdha të drogës vijnë nga Shqipëria, nga Porti i Durrësit. Vetëm gjatë vitit 2017 në Ankona u kapën 134 klandestinë të mbërritur nga Durrësi. Doktoresha Furcolo shefja e policisë antiterror DIGOS këmbëngul, që është domosdoshmëri rritja e vigjilencës së organeve ligjzbatuese në Ankona edhe për të parandaluar hyrjen në Itali (më pas edhe në vende të tjera të BE-së) të terroristëve, veteranë të luftërave në Siri dhe Irak. Sipas shefes së antiterrorit të Ankonës, policia zotëron listat e plota të ?Foreign Fighters?, luftëtarëve të huaj, të cilët po përpiqen të depërtojnë në ?Kështjellën? Europë.

Në të tilla lista dominojnë terroristët irakenë, kurdë, sirianë, afganë, tunizianë dhe marokenë. Pasagjerët e mbërritur në Ankona nga Shqipëria mbajnë rekordin si për klandestinë edhe për dokumente false me raste edhe falsifikime të cilësisë së lartë. Gjatë vitit 2017 policia e Portit të Ankonës ka kontrolluar me hollësi 1 500 automjete dhe 90 000 pasagjerë, pra rreth 20% të numrit total të automjeteve dhe pasagjerëve.

Shifrat dhe faktet e ofruara në këtë konferencë shtypi të këtyre dy oficerëve të policisë së Ankonës përgënjeshtrojnë propagandën e ?Rilindjes? se Shqipëria eksporton siguri në Ballkan, Europë e më gjerë . Faktikisht Shqipëria eksporton dhe tranziton klandestinë, dokumente false, drogë, armë e me raste edhe ndonjë femër terroriste si ai i italianes Maria Giulia Sergio-s (Alias Fatima), apo edhe i italo-marokenes Meriem Rehaily./ GJERGJ THANASI





Lajmet e fundit nga