web counter
LEXO PA REKLAMA!

SHKARKO APP

App Store
Google Play

E fundit!

x

BE për shfuqizimin e Gjykatës Speciale/ Deputetët e Kosovës i shmangen përgjigjes   

12 Janar 2018, 21:04, Aktualitet CNA

Zyra e Bashkimit Evropian në Kosovë, me anë të një komunikate për media, ka kërkuar prononcim sot nga deputetët që kanë iniciuar shfuqizimin e Ligjit për Gjykatën Speciale.

Por deputetët  nënshkrues kryesisht të PDK-ja nuk kanë dashur të japin deklarata në lidhje me këtë çështjem duke e shmangur dhenien e një përgjigjeje.

Xhavit Haliti, njëherësh dhe zv.kryetar i Kuvendit, ka thënë se duke mosqenë nënshkrues i kësaj iniciative nuk dëshiron të flas, ndërsa deputeti Bekim Haxhiu thotë se nuk dëshiron të japë deklaratë pasi është në pushim.

Jashtë vendit është shefi i Grupit Parlamentar Memli Krasniqi, ndërsa telefonin nuk e kanë hapur deputeti Elmi Reçica, Xhevahire Izmaku, Blerta Deliu dhe deputetë tjerë.

Por “KosovaPress” e ka pasur të pamundur që të kontaktojë me iniciuesin e nënshkrimeve Nait Hasani. I vetmi që ka folur nga PDK-ja është deputeti Nezir Çoçaj.

?Ne jemi në pushime nuk jemi takuar me grupin e deputetëve dhe nuk jemi konsultuar për këtë çështje?, tha Çoçaj.

Derisa deputetët e PDK-së kishin votuar pro ligjit në vitin 2015, ndërsa tash kanë ndryshuar qëndrim, ata të AAK-së janë të vendosur kundër Ligjit për Specialen.

Deputetja e AAK-së Time Kadriaj tha se AAK nuk ka ndryshuar qëndrim pavarësisht kërkesave nga BE-ja dhe SHBA.

Ajo tha se nisma e deputetëve është ligjore dhe ajo duhet të shkojë në Kuvend që të votohet për ose kundër.

Sa i përket tërheqjes së iniciativës ashtu siç ka kërkuar zyra e BE-së Kadriaj nuk ka ndonjë koment pasi që siç tha ajo ende nuk kanë folur me deputetët,  por edhe kjo mbetet në dorën e iniciatorit.





Lajmet e fundit nga