web counter
LEXO PA REKLAMA!

SHKARKO APP

App Store
Google Play

"KRYEMINISTRI I JEP 13 MLN EURO VJEHRRIT TË TIJ"

11 Janar 2018, 21:03, Aktualitet CNA

Gazetari Arben Vata, ka reaguar pas vendimit të Gjykatës së Strasburgut, për pallatin e vjehrrit të kryetarit të Partisë Demokratike Lulzim Basha, e cila rakordoi 13 milionë euro për pronarët e pallatit të shembur nga IKMT në Vlorë.

Ai shprehet se duke qenë se qeveria nuk mund të lëvrojë një fond të tillë, për të dëmshpërblyer pronarët e pallatit, kjo gjë do të bëhet kur Basha të vijë në pushtet dhe të jetë kryeministër, e për këtë ai parashikon edhe titullin që do kenë mediat.

“KRYEMINISTRI I JEP 13 MLN EURO VJEHRRIT TË TIJ

Ky do të jetë titulli i përbashkët i gazetave, portaleve dhe TV pas disa vitesh, kur kryeministri i ardhshëm Basha, do të lëvrojë këtë fond për pronarët e kompleksit Jon si detyrim që vjen nga vendimi i gjykatës së Strasburgut. Nuk ka nevojë për të vazhduar më tej me mënyrën sesi do të shkruhet dhe interpretohet ky lajm, pasi kolegët do ta bëjnë në mënyrën e tyre, të ndikuar sigurisht nga pronarët si dhe interesat e tyre momentale. Qeveria aktuale nuk ka as para dhe as dëshirë për të dëmshpërblyer pronarët, pra vjehrrin e krye opozitarit sot. Por kjo nuk ka shumë rëndësi për momentin.”, – shkruan Vata.

Më tej ai shprehet se “E rëndësishme është që të theksohet se kryeministri Rama ishte ai që e ktheu thuajse në sfidë personale hedhjen në erë të kompleksit në një show mediatik që vetëm ai di ti bëjë.”

Aipas Vatës, “Qytetarët e të dy krahëve të politikës duhet ti kërkojnë llogari atij se përse ata duhet të paguajnë nga xhepi i tyre për këtë kaprico të tij? Rama duhet të paguajë këtë shumë, bashkë me gjithë ata njerëz të administratës dhe të drejtësisë që vendosën që kompleksi të prishet. Drejtësia duhet ti vendosë ata përpara ligjit sepse ata morën një vendim të gabuar. Le ti detyrojë të shesin prona dhe shtëpi se me siguri vlera e tyre e kalon atë të 13 MLN. Ndoshta të duket gallate kur hedh në erë me dinamit një pallat, por më gallatë është që ta paguash me paret e tua.” /CityNews

 





Lajmet e fundit nga