web counter
LEXO PA REKLAMA!

SHKARKO APP

App Store
Google Play

E fundit!

x

Fati i njeriut që tronditi botën/ Ekuadorit i sos durimi me Julian Asange

10 Janar 2018, 18:44, Aktualitet CNA

Ministria e jashtme e Ekuadorit bëri me dijë se qëndrimi prej 5 vjetësh e gjysmë i Julian Assange në ambasadën e këtij vendi në Londër është bërë i papërballueshëm dhe duhet të marrë fund përmes ndërmjetësimit ndërkombëtar.

Themeluesi i Wikileaks është strehuar në ambasadën e Ekuadorit që prej verës së vitit 2012, kur u përball me mundësinë e ekstradimit në Suedi për akuzat për dhunë seksuale ndaj dy femrave, akuza që ai i mohon. Autoritetet suedeze tashmë i kanë rrëzuar akuzat, një prej të cilave për përdhunim, por Assange sërish përballet me arrestimin për shkelje të lirisë me kusht.

Sidoqoftë, frika më e madhe e Assange, diçka që ai e ka pranuar edhe vetë, është arrestimi dhe dërgimi në SHBA për dosjet sekrete të publikuara nga faqja e tij e internetit. Sidomos pasi kryeprokurori amerikan Jeff Sessions tha se arrestimi i Assange është prioritet. Por duket se Ekuadori s?mund të vazhdojë ta strehojë më gjatë dhe autoritetet në Kuito thanë se po kërkojnë një vend apo personalitet që të arrijë një marrëveshje me Mbretërinë e bashkuar.

Nëse Assange del nga ambasada, ai do të arrestohet nga autoritetet britanike dhe duket se po kërkohet garanci që kjo të mos ndodhë. Vetë Assange e ka cilësuar ngujimin e tij një padrejtësi, ndërsa avokati i tij tha se ka ardhur koha që Britania të tregojë se respekton të drejtat e njeriut dhe ti japë lirinë Julian Assange.





Lajmet e fundit nga