web counter
LEXO PA REKLAMA!

SHKARKO APP

App Store
Google Play

E fundit!

x

Basha mbron aleancën me LSI-në: Nuk duhet paragjykuar

10 Janar 2018, 19:49, Aktualitet CNA

Kryetari i Partisë Demokratike, Lulzim Basha, ka mbrojtur aleatin më të ri në opozitë, LSI.

I ftuar në studion e emisionit “Fakt” të Çim Pekës, është shprehur se nuk duhen paragjykuar forcat politike që kanë zgjedhur të janë përkrah PD-së, në të bërit opozitë ndaj Edi Ramës.

Ai tha se mund të zgjidhnin edhe të ishin në qeveri me Ramës, por zgjodhën të reagojnë kundër tij dhe kapjes së shtetit dhe politikës nga krimi.

“Nuk duhet të paragjykojmë asnjë forcë politike që bashkohet me PD-në, për të çliruar vendin nga krimi, dhe për rindërtimin e një Shqipërie që i përgjigjet interesave të qytetarëve.”, – tha ndër të tjera Lulzim Basha.

Në Partinë Demokratike dhe nga aleatët aleanca PD-LSI është quajtur jo e natyrshme dhe se do të dëmtonte më shumë PD-në, sesa do ta ndihmojë atë. Ndërkohë që Dashamir Shehi dha para disa ditësh se LSI është e mirëpritur në opozitë, por Partia Demokratike dhe ajo janë të ndryshme në filozofi.

Kritikët e Bashës janë shprehur se protesta përkrah Monika Kryemadhit, partia e të cilës ishte deri dje në pushtet me Ramën, nuk i shërbejnë qytetarëve, dhe kështu nuk mund të protestohet krahas saj. Edhe Kryetarja e Këshillit kombëtar në PD, Nertila Ismailgeci, tha dje se protesta me Monikën nuk mund të ketë. /CityNews





Lajmet e fundit nga