Foto-Cilët ministra të Ramës po plazhiten në jug?/Mimi Kodheli tërheq vëmendje

5 Gusht 2017, 14:28, Aktualitet CNA

Vera e nxehtë është në kulm dhe ministrat kanë vendosur të kalojnë pak kohe relaksi mes freskisë së Jugut. Paparaci i ?Panorama? ka fotografuar disa prej ministrave te Rames ne plazhet ne Jug te vendit.

Kodheli, notare profesioniste

Ashtu si verat e kaluara, ministrja e Mbrojtjes, Mimi Kodheli, ka zgjedhur plazhin e Jugut të Shqipërisë për të pushuar, së bashku me bashkëshortin e saj. Ajo shkon në Jalë, në një zonë që është në përdorim nga Ministria e Mbrojtjes.

Paparaci i ?Panorama? e ka fotografuar Kodhelin fundjavën e kaluar dhe ajo që na bëri përshtypje është vendosja e kapuçit dhe e syzeve, të cilat në përgjithësi i përdor dikush që e njeh dhe e shijon mirë detin. Me siguri noti duhet të jetë një pasion i ministres.

Ilir Beqaj në relaks total, pushime në Dhërmi

Ish-ministri i Shëndetësisë, Ilir Beqaj, prej vitesh tashmë kalon fundjavat në plazhet e Jugut. Ai është parë shpesh në shoqërinë e të tjerë personazheve të njohur të politikës, duke qenë kështu i kompletuar, me familjen dhe kolegët.

Paparaci i ?Panorama? e ka fotografuar Beqajn në Dhërmi, i rrethuar nga miqtë dhe familjarët. Nuk dihet nëse Beqaj do të jetë përsëri ministër në kabinetin Rama 2. Ndërkohë ai është zgjedhur deputet i Partisë Socialiste në Parlamentin e ri, që do të mblidhet në shtator.

Blerina e apasionuar pas fotove

Deputetja e Partisë Socialiste, Blerina Gjylameti, ka pushuar në plazhet e Jugut fundjavën e kaluar. Ajo ka fotografuar gjatë pamjet e mrekullueshme të bregdetit të Jugut të Shqipërisë.

Panariti pushime në Jalë me familjen dhe kolegët e partisë

Edhe ministri i Bujqësisë, Edmond Panariti, ka zgjedhur Jalën për të bërë pushime. Ai është parë fundjavat e fundit së bashku me familjarët e tij të bëjë plazh në të njëjtin vend.

Fundjavat e kaluara ai ka pasur mundësi t?u bashkohet aktiviteteve dhe pushimeve të të rinjve të LRI-së, të cilët pushojnë në të njëjtin kamping prej vitesh tashmë. Në këtë mënyrë, edhe Panariti ka vendosur që të jetë pranë kolegëve të tij, por bashkë me djalin dhe bashkëshorten.