web counter
LEXO PA REKLAMA!

SHKARKO APP

App Store
Google Play

E fundit!

x

Ja sa kohë shpenzojnë femrat duke shkrepur selfie

17 Maj 2015, 19:00, Kuriozitete CNA

Ka mbërritur një dekadë kur duhet të pranojmë se mediat sociale janë kthyer në një pjesë të rëndësishme të jetës sonë duke ndikuar kështu dhe në anën tonë psikologjike dhe në rastin konkrekt edhe në vetvlerësim. Një numër i madh pëlqimesh që mund t?ju vijë në një rrjet social mund të bëjë diferencën mes një humori të mirë ku ndihemi të suksesshëm dhe një humori të rënë përtok.

Për shkak të ndikimit që ka bota sociale në jetën tonë atëherë nuk kemi pse habitemi me rezultatet e një studimi i cili zbulon se femrat nga mosha 16 deri në 25 vjeçe shpenzojnë një mesatare prej 5 orësh në javë duke shkrepur selfie. Madje këtë kohë ja vjedhin gjumit të natës. Gjatë këtij studimi me mbështetjen e uebfaqes FeelUnique.com u intervistuan 2000 femra të moshës së re. Mesatarisht vajzat e kësaj moshe shkrepin 3 selfie çdo ditë dhe kjo gjë ju merr 16 minuta nga koha e tyre. Ju mund të pyesni veten se përse duhen 16 minuta për të shkrepur 3 foto? Në këto 16 minuta vajzat mendojnë për makeup-in, këndin e shkrepjes së fotos, dritën dhe elemente të tjera që ndikojnë në perfeksionimin e fotos.

Realisht rezultatet e këtij studimi janë për tu besuar. Të gjithë ne shohim në ambjente publike vajza që shkrepin selfie, e të mos mendojmë se sa foto bëjnë këto vajza kur janë në shtëpi. Së fundmi trendi më i ri është shkopi që bën selfie që ka pak kohë që ka mbërritur dhe në Shqipëri. 30% e vajzave të pyetura pranuan se qëllimi i tyre është të shkrepin një foto të bukur për ta shpërndarë në rrjetet sociale e për tu dukur e bukur në sytë e të tjerëve. Dhe kur vjen puna tek numri i selfie-ve që ka çdo vajzë në telefon, shifrat janë të mëdha. Femrat nga mosha 16 deri në 25 vjeçe kanë mesatarisht 150 selfie në smartfonin e tyre. Ndërkohë që 28% e femrave të pyetura të çfarëdolloj moshe pranuan se shkrepin të paktën një selfie në javë. Këtu me siguri bën pjesë dhe Kim Kardashian e cila së fundmi ka realizuar një libër plot 448 faqe më fotot e saj të quajtur ?Selfish?. (PC World Albanian)





Lajmet e fundit nga