web counter
LEXO PA REKLAMA!

SHKARKO APP

App Store
Google Play

Mollët që nuk kalben mund të shfaqen së shpejti në treg

10 Maj 2015, 14:15, Kuriozitete CNA

Adhuruesit e sallatave të frutave mund të relaksohen. Mollët pa shije dhe të nxira do të jenë pjesë e historisë në saj të frutave të modifikuar gjenetikisht të cilat i rezistojnë oksidimit.

Mollët aktualisht po kultivohen në vendet testuese në SHBA dhe po kontrollohen nga USDA.

Mollët e ndryshojnë ngjyrën gjatë procesit të quajtur ?nxirja enzimatike?. Kur brendësia e frutit i ekspozohet oksigjenit, atëherë ky oksigjen reagon me enzimën oksidative polifenole, duke shkaktuar nxirjen e mollës.

Truket me të cilat kjo mund të parandalohet janë shtimi i lëngut të limonit ose, në qoftë se bëhet fjalë për një sasi të madhe të ushqimit, shtimin e askorbatit të kalciumit. (Kjo është ajo që ia mundëson McDonaldsit shitjen e mollëve të prera në qese.)

Megjithatë, shkencëtarët australianë kanë një ide të re për të parandaluar nxirjen e mollëve para prerjes së tyre dhe atë pa kimikate të shtrenjta. Ata kanë futur kopje të shumta të gjenit për prodhimin e enzimës në gjenomin e mollës dhe kanë zbuluar se në fakt ato po e fiknin të gjithë procesin e krijimit të enzimës. Pa enzima oksidativë nuk ka as nxirje.

Një kompani kanadeze e ka licencuar teknologjinë e prodhimit të mollëve rezistente ndaj nxirjes, ndërsa disa i kanë quajtur molla ?Arktike?, sepse janë përjetësisht të bardha. Dy variante që ata i kanë licencuar janë Golden Delicious dhe Granny Smith.

Shkenca pohon që janë të sigurta

Studimet paraprake të Departamentit amerikan të Bujqësisë kanë konfirmuar se mollët ?arktike? janë të padëmshme sikurse edhe mollët e zakonshme. Prandaj, është dhënë drita e gjelbër për kultivimin e mollëve në ngastra testuese në New York dhe Washington.

Disa e kundërshtojnë modifikimin gjenetik dhe nuk duan mollë të ndryshuara në pemishte dhe në furnizimet me ushqime. Të tjerët besojnë se mollët e tilla do t?i tërheqin fëmijët kah ushqimet e shëndetshme.

Nëse mollët miratohen, sipas gjasave brenda disa muajve, ato do të paraqiten në raftet në dyqane vetëm pas disa viteve.

 





Lajmet e fundit nga