web counter
LEXO PA REKLAMA!

SHKARKO APP

App Store
Google Play

E fundit!

x

Kur Sokol Olldashi kërkonte arrestimin e Ilir Metës

5 Mars 2015, 11:23, Aktualitet CNA

Në cityfm.al, dy ditë më parë publikuam videon e një fjalimi të deputetit të ndjerë të PD së, Sokol Olldashi gjatë fushatës për zgjedhjen e kreut të saj. Olldashi nga Dibra ju drejtohej shqiptarëve me faktin se në parlament LSI dhe PS kishin futur rreth 30 persona me precedentë penalë dhe kuvendi po kthehej në qeli paraburgimi.

Por përpara kësaj ngjarjeje të cilën e ripublikuam pikërisht në ditën kur deputeti socialist Tom Doshi deklaroi se ishtin porositur dy vrasje nga kreu i kuvendit Ilir Meta për të dhe deputetit Mhill Fufi, ka një ngjarje tjetër. Ajo është video e publikuar nga emisioni Fiks Fare ku kreu i kuvendit Ilir Meta flet për pazare me Dritan Priftin ish ministrin e ekonomisë.

Kjo video e cila shihet ende me qindra herë në youtube është kthyer në hitin e korrupsionit në vendin tonë. Por kjo video pas publikimit ka një histori dhe disa detaje. Së pari Ilir Meta u lëshua direkt në akuza, tha se ishin montazhe, tha se ishin manipulime. Nuk shkoi kurrë në prokurori për videon, por me procedurë mbylli cështjen në gjykatën e lartë duke e nxjerë videon inekzistente. Në fakt video ekziston dhe sot, por pas korrupsionit ka një tjetër video e cila më një rrëfim na tregon se kreu i kuvendit është porositës vrasjesh.

Historia përsëritet njësoj dhe sot. Vazhdon më të njëjtën formë më akuza, por këtë herë e bën në krahun e kundër Ilir Meta, lojën. Dje përdorte PD-në për mbrojtje, sot përdor PS-në. Dje me një parti me 4 deputetë Meta përdorte grupin parlamentar të PD-së, sot me 18 deputetë përdor grupin parlamentar të PS-së.

Duke ju rikthyer publikimit të videos Meta ? Prifti, ka një fakt që flitej shumë në qarqet politike në atë kohë. Flitej se në PD kishte një rymë e cila kërkonte arrestimin e Ilir Metës dhe jo mbeshtetjen e tij. Ateherë deputeti Sokol Olldashi i ka kërkuar edhe në prani të personave të tjere ish-kryministrit Berisha të arrestonte Ilir Metën dhe ta akuzonte për korrupsion dhe të conte vendin në zgjedhje të parakohëshme. Olldashi kërkesën e argumentonte më faktin se PD në zgjedhje do merte me shumë vota se në zgjedhjet e vitit 2009, pasi po bënte një lufte të hapur kundër korrupsionit. Koha tregoi se Sokol Olldashi kishte të drejtë. Ilir Meta ngadale pasi vodhi dhe grabiti cfarë mundi me ministrat e tij gjatë qeverisë të Berishës, u largua ngadalë tëk Edi Rama. Në një pazar korruptiv mes ngjalave në Gjirin e Lalzit, Meta personi i akuzuar për korrupsion, Edi Rama organizatori i 21 Janarit, harojnë korrupsionin dhe viktimat dhe kthehen bashkë në fushatë.

Sot pas gati dy vitesh nga aleanca e tyre apo pas 4 vitesh nga 21 janari, apo me shumë se 4 vite nga video Meta-Prifti, gjithcka është e qartë. Sokol Olldashi ka pasur të drejtë në kërkesën e tij. Politika do ishte më pak e korruptuar dhe ndoshta sdo kishim një kryetar kuvendi që porosit vrasje deputetësh. Por PD-ja sot po vuan një veprim që nuk e bëri dji, që nuk prangosi Ilir Metën për korrupsion dhe sot duhet të përballet në parlament më të si i akuzuar nga një deputet i mazhorancës si porositësh vrasjesh deputetësh.

Koha vonon por nuk haron, një gabim dje vazhdon që PD ta vuajë ende edhe sot. të shpresojme që pësimi të jetë bërë një mësim i mire për te gjithë.

Elvi FUNDO





Lajmet e fundit nga