web counter
LEXO PA REKLAMA!

SHKARKO APP

App Store
Google Play

E fundit!

x

Plasin polemikat pas fitores së Çelsit, reagimi i ashpër i trajnerit të Uest Hemit: Vendim i kalbur i arbitrit

3 Shtator 2022, 20:02, Sport CNA

Çelsi mori një fitore të rëndësishme me përmbysje përballë Uest hemit në “Stamford Bridge”, por polemikat nuk munguan.

Në minutën e 89’ Kornet shënoi për të barazuar 2-2, por gjyqtari me anë të VAR-it e anuloi për faull ndaj Mendis.

Në prononcimin pas sfidës, trajneri i Uest Hemit, Dejvid Mojes, reagoi ashpër ndaj këtij vendimi, duke e quajtur një skandal.

“E patë dhe ju. Ishte një vendim skandaloz. Pa dyshim i kalbur nga një prej gjyqtarëve elitë. Është vendim i pabesueshëm kundër nesh. Unë e suportoj VAR-in. Mendoj se portieri simuloi, pasi pa që nuk mund të çoheshe dot, ashtu si në golin e parë. Është vërtet i pabesueshëm ky gabim që bëri gjyqtari”, ishin fjalët e Mojes.

Nga ana tjetër, trajneri i “Bluve”, Tomas Tuhel, e quajti këtë një vendim të drejtë nga VAR-i.

“Ne ishim me fat që VAR-i ishte në anën tonë, që për mua ishte një vendim korrekt. Më vjen mirë që lojtarët që u futën nga stoli ndryshuan lojën. Kjo tregon që për të fituar ndeshjet duhet një stol me lojtarë të mirë”, përfundoi gjermani.





Lajmet e fundit nga