web counter
LEXO PA REKLAMA!

SHKARKO APP

App Store
Google Play

"Siguria e Europës dhe e Ukrainës është më e fortë falë teje"/ Von der Leyen reagon për dorëheqjen e Starmer

22 Qershor 2026, 13:29, Kosova & Bota CNA

"Siguria e Europës dhe e Ukrainës është më e

Presidentja e Komisionit Europian, Ursula von der Leyen, ka reaguar lidhur me dorëheqjen e kryeministrit britanik, Keir Starmer. Von der Leyen, në reagimin e saj në platformën “X”, vlerësoi kontributin e tij në forcimin e sigurisë europiane dhe mbështetjen për Ukrainën.

Gjithashtu e falënderoi Starmer-in për punën e bërë gjatë më pak se dy viteve në detyrë. Gjatë mandatit të tij, Londra dhe BE-ja nënshkruan një partneritet të ri për sigurinë dhe mbrojtjen, duke krijuar një strukturë të përbashkët bashkëpunimi ushtarak.

Von der Leyen vlerësoi gjithashtu mbështetjen e fortë të Starmer-it për Ukrainën. Nën drejtimin e tij, Britania nënshkroi një marrëveshje partneriteti 100-vjeçar me Ukrainën dhe, së bashku me presidentin francez, Emmanuel Macron, ndihmoi në krijimin e të ashtuquajturit “Koalicioni i të Gatshmëve” për të mbështetur sigurinë e Ukrainës.

“Shumë liderëve u duhen vite për t’u shndërruar në burrështetasin që u bëre ti në vetëm dy vjet. Siguria e Europës dhe e Ukrainës është më e fortë falë teje. Faleminderit, i dashur Keir”, shkroi Von der Leyen.

Në shkurt të këtij viti, Londra akordoi edhe 200 milionë paund shtesë për përgatitjen e një force shumëkombëshe që do të ndihmonte në garantimin e çdo marrëveshjeje të ardhshme paqeje. /CNA





Lajmet e fundit nga